'బాహుబలి' బంపర్ ఆఫర్‌ను తిరస్కరించిన సోనమ్ కపూర్...ఎందుకో తెలుసా?
రాజమౌళి అద్భుత సృష్టి ''బాహుబలి ది బిగినింగ్'' ఎంత పెద్ద విజయం సాధించిందో అందరికి తెలిసిందే. ఆ చిత్రంతో తెలుగు పరిశ్రమ ప్రపంచవ్యాప్తమైంది. అందులో నటించిన నటీనటుల గురించి వేరే చెప్పనక్కర్లేదు. వారి స్థ
రాజమౌళి అద్భుత సృష్టి ''బాహుబలి ది బిగినింగ్'' ఎంత పెద్ద విజయం సాధించిందో అందరికి తెలిసిందే. ఆ చిత్రంతో తెలుగు పరిశ్రమ ప్రపంచవ్యాప్తమైంది. అందులో నటించిన నటీనటుల గురించి వేరే చెప్పనక్కర్లేదు. వారి స్థాయి ఎక్కడికో వెళ్ళిపోయింది. అంతటి గొప్ప విజయం సాధించిన ఈ చిత్రంలో నటించే అవకాశం వెతుకుంటూ వస్తే ఎవరైనా వదులుకుంటారా. కానీ బాలీవుడ్ బ్యూటీ సోనమ్ కపూర్ అదే పని చేసిందట. ఆశ్చర్యంగా ఉంది కదూ. ఈ విషయాన్ని ఆమె స్వయంగా వెల్లడించింది.
బాలీవుడ్‌లో బాగా పాపులర్ అయిన చాట్‌ షో కార్యక్రమంలో మాట్లాడుతూ సోనమ్ ఈ విషయాన్ని బయటపెట్టింది. ''బాహుబలి చిత్రం గొప్ప చిత్రమని ఆ చిత్రాన్ని తాను చూడలేదని కానీ స్క్రిప్ట్ విన్నానని చెప్పింది. ఆ సినిమాలో నటించే ఆఫర్ వచ్చిందని, స్క్రిప్ట్ మొత్తం విన్నానని కానీ చేయలేదని చెప్పింది. అంతేగాని అంత గొప్ప ఆఫర్ ఎందుకు వదులుకుంది? అసలు రాజమౌళి తనను ఏ పాత్ర కోసం సంప్రదించారు?
ఫస్ట్‌పార్ట్‌లో వచ్చే తమన్నా పాత్ర కోసమా? లేకపోతే రెండు భాగాల్లో ఉండే అనుష్క పాత్ర కోసమా? అన్నది మాత్రం బయటపెట్టలేదు. మొత్తానికి సోనమ్ లేటుగా చెప్పినా కాస్త షాకింగ్ విషయమే చెప్పింది. అయితే ఈ చిత్రంలోని రమ్యకృష్ణ పాత్రలో నటించేందుకు శ్రీదేవి నిరాకరించిన సంగతి తెలిసిందే. దీంతో ఈ జాబితాలో మరో భామ కూడా చేరిపోయింది.
