దర్శకేంద్రుడు కె.రాఘవేంద్రరావుకు నష్టాలు మిగిల్చిన 'బాహుబలి'

దర్శకేంద్రుడు కె.రాఘవేంద్రరావు. 'బాహుబలి' చిత్ర సమర్పకుడు. చిత్ర నిర్మాణంలో భాగస్వామి కూడా. అయితే, ఈయన 'బాహుబలి' చిత్రంలో తీవ్రంగా నష్టపోయారట. ఈ నష్టాలు బాహుబలి రెండో భాగంలో భర్తీ అవుతాయన్న నమ్మకంతో వ

దర్శకేంద్రుడు కె.రాఘవేంద్రరావు. 'బాహుబలి' చిత్ర సమర్పకుడు. చిత్ర నిర్మాణంలో భాగస్వామి కూడా. అయితే, ఈయన 'బాహుబలి' చిత్రంలో తీవ్రంగా నష్టపోయారట. ఈ నష్టాలు బాహుబలి రెండో భాగంలో భర్తీ అవుతాయన్న నమ్మకంతో వారు ఉన్నారు. 'బాహుబలి' చిత్ర నిర్మాతలు ఏంటి.. నష్టపోవడమా? అనే కదా మీ సందేహం. నిజంగానే నష్టపోయారట.

2015లో విడుదలైన బాహుబలి చిత్రం సరికొత్త రికార్డులను తిరగరాస్తూ కలెక్షన్ల వర్షం కురిపించింది. ఈ చిత్రం విడుదల తర్వాత గత రికార్డులన్నీ తుడుచిపెట్టుకుని పోయాయి. అమోఘం.. అద్భుతం.. కనకవర్షం.. కలెక్షన్ల తుఫాను లాంటి విశేష గణాలతో బాహుబలి సినిమా హోరెత్తిపోయింది. అయితే ఈ చిత్రం తొలిభాగం రూ.125 కోట్లతో తెలుగునాట టాప్ గ్రాసర్‌గా నిలిచింది. అయినా సరే ఈ చిత్రం తమకు నష్టాలే చవిచూపిందని నిర్మాతలు అంటున్నారు. ఈ చిత్ర సమర్పకుడు, దర్శకేంద్రుడు కె.రాఘవేంద్రరావు, చిత్ర నిర్మాతలు శోభూ యార్లగడ్డ, ప్రసాద్ దేవినేని తదితరులు ఈ చిత్ర నష్టంపై నివ్వెరపోయారు. 

నిజానికి ఈ సినిమాకి తెలుగునాట బయ్యర్ల నుంచి ఓవర్ ఫ్లో వచ్చినా తగువిధంగా రిటర్న్స్ ఇవ్వలేదని నిర్మాతల ప్రధాన ఆరోపణ. పైగా ఈ చిత్రాన్ని ఇటు జర్మన్, అటు మండేరియన్ భాషల్లోకి అనువాదం చేసి రిలీజ్ చేయడంతో మరిన్ని నష్టాలు చవిచూసినట్టు తెలుస్తోంది. ఈ మాటే చిత్ర నిర్మాతలు కూడా చెబుతున్నారట. అయితే, ఈ నష్టాలను గత నెలలో విడుదలైన బాహుబలి 2 చిత్రంతో భర్తీ చేసుకునే అవకాశం ఉంది.