చైతూ కెరీర్‌పై నాగ్‌లో టెన్షన్.. టెన్షన్.. ఆ డైరెక్టర్‌కు రూ.12 కోట్లు ఇచ్చారా?
తన కుమారుడు నాగ చైతన్య సినీ కెరీర్‌పై టాలీవుడ్ 'మన్మథుడు' నాగార్జున తెగ ఆందోళన చెందుతున్నారట. చైతూ నటించిన చిత్రాల్లో ఒకటి రెండు మినహా పెద్ద సక్సెస్ సాధించిన చిత్రాలు లేవు. ఇటీవల వచ్చిన "రారండోయ్ వేడు
తన కుమారుడు నాగ చైతన్య సినీ కెరీర్‌పై టాలీవుడ్ 'మన్మథుడు' నాగార్జున తెగ ఆందోళన చెందుతున్నారట. చైతూ నటించిన చిత్రాల్లో ఒకటి రెండు మినహా పెద్ద సక్సెస్ సాధించిన చిత్రాలు లేవు. ఇటీవల వచ్చిన "రారండోయ్ వేడుకచూద్దాం'' చిత్రం కూడా బాక్సాఫీస్ వద్ద బోల్తా పడింది. దీంతో చైతూతో చిత్రాలు నిర్మించేందుకు ఇతర నిర్మాతలెవ్వరూ ముందుకురాని పరిస్థితి నెలకొందని ఫిల్మ్ నగర్‌లో వార్తలు వినిపిస్తున్నాయి.
ఈనేపథ్యంలో తన కుమారుడు నాగచైతన్య కోసం కథ తయారు చేయమంటూ మాస్ సినిమాల డైరెక్టర్ బోయపాటి శ్రీనుకి అక్కినేని నాగార్జున 12 కోట్ల రూపాయలు ముందుగానే ఇచ్చారనే ప్రచారం సోషల్ మీడియాలో సాగుతోంది.
దీనిపై నాగార్జున స్పందించారు. తన సోషల్ మీడియా ఖాతా ద్వారా.. నాగ చైతన్య సినిమా కోసం బోయపాటికి 12 కోట్ల రూపాయల అడ్వాన్స్ ఇచ్చినట్టు వచ్చిన వార్తలు పూర్తిగా అబద్ధమని స్పష్టం చేశారు. అవన్నీ రూమర్స్ అని, వాటిని నమ్మవద్దని ఆయన అభిమానులకు సూచించారు.
