కపిల్ శర్మ షోలో అడల్ట్ స్టార్ మోనికా.. రేటింగ్ కోసం పాకులాట.. వర్కౌట్ అవుతుందా?
నోటిదూలతో బాలీవుడ్ హాస్య నటుడు కపిల్ శర్మ నిర్వహించే టీవీ షోకు రేటింగ్స్ పూర్తిగా పడిపోయింది. రెండువారాల క్రితం టాప్-10 రేటింగ్స్‌లో ఉన్న కపిల్ శర్మ షో రేటింగ్.. ఆ తర్వాత కనిపించకుండా పోయింది. దీంతో త
నోటిదూలతో బాలీవుడ్ హాస్య నటుడు కపిల్ శర్మ నిర్వహించే టీవీ షోకు రేటింగ్స్ పూర్తిగా పడిపోయింది. రెండువారాల క్రితం టాప్-10 రేటింగ్స్‌లో ఉన్న కపిల్ శర్మ షో రేటింగ్.. ఆ తర్వాత కనిపించకుండా పోయింది. దీంతో తన షో రేటింగ్ పెంచుకునేందుకు కపిల్ శర్మ అడల్ట్ స్టార్‌ను సంప్రదించినట్లు బిటౌన్‌లో జోరుగా ప్రచారం సాగుతోంది. గతంలో ఆస్ట్రేలియా నుంచి ఢిల్లీకి విమానంలో వస్తుండగా.. కపిల్ శర్మ తప్ప తాగి మరో కమెడియన్ సునీల్ గ్రోవర్‌ను నానా మాటలు అన్నాడు.
ఈ సందర్భంగా సునీల్‌పై కపిల్ చేజేసుకున్నాడని కూడా ప్రచారం సాగింది. ఈ సంఘటన అనంతరం కపిల్ సునీల్‌కు ట్విట్టర్ ద్వారా సారీ చెప్పినా ఫలితం లేకపోయింది. ఫలితంగా సునీల్ గ్రోవర్, చందన్ ప్రభాకర్, అలీ అస్గర్ వంటి సహ నటులంతా కపిల్ షో నుంచి తప్పుకోవడంతో.. రేటింగ్ చతికిలపడింది. దీంతో తన టీవీ రేటింగ్ పెంచుకునేందుకు కపిల్ కొత్త ప్లాన్ వేశాడు.
కొన్ని బూతు చిత్రాలు, టీవీ సీరియల్స్‌లో నటించిన మోనికా కాస్టి లినోను కపిల్ శర్మ తన షోకు ఆహ్వానించాలని నిర్ణయించినట్లు తెలుస్తోంది. పర్మనెంట్ కాస్ట్ మెంబర్‌గా కపిల్ షోలో ఆమె చేరవచ్చునని టాక్ వస్తోంది. ఈ అడల్ట్ స్టార్ రాకతో కపిల్ షో రేటింగ్ పెరుగుతుందో లేదా ఇంకా దిగజారుతుందో తెలుసుకోవాలంటే వేచి చూడాల్సిందే.
