సహజనటికి కోపమొచ్చింది.. సినిమా సెట్స్‌ నుంచి జయసుధ వాకౌట్‌!

నిత్యం ప్రశాంతవదనంతో.. నవ్వుతూ కనిపించే సహజనటి జయసుధకు కోపమొచ్చింది. దీంతో ఆమె సినిమా సెట్స్ నుంచి వాకౌట్ చేసింది. తాజాగా జరిగిన ఈ సంఘటన ఫిల్మ్ ఇండస్ట్రీలో చర్చనీయాంశంగా మారింది. అసలు జయసుధ సినిమా సెట

నిత్యం ప్రశాంతవదనంతో.. నవ్వుతూ కనిపించే సహజనటి జయసుధకు కోపమొచ్చింది. దీంతో ఆమె సినిమా సెట్స్ నుంచి వాకౌట్ చేసింది. తాజాగా జరిగిన ఈ సంఘటన ఫిల్మ్ ఇండస్ట్రీలో చర్చనీయాంశంగా మారింది. అసలు జయసుధ సినిమా సెట్స్ నుంచి వాకౌట్ చేసే పరిస్థితి ఎందుకు వచ్చిందో ఓ సారి పరిశీలిద్ధాం. 

‘బిచ్చగాడు’ సినిమాను తెలుగులో విడుదల చేసిన చదలవాడ శ్రీనివాసరావు నిర్మాత, దర్శకుడిగా మారి తెరకెక్కిస్తున్న చిత్రం ‘హెడ్‌ కానిస్టేబుల్‌ వెంకట్రామయ్య’. ఈ చిత్రంలో హీరోగా నటిస్తున్న ఆర్‌.నారాయణ మూర్తికి జోడీగా నటిస్తోంది జయసుధ. అయితే షూటింగ్‌ స్పాట్‌కు వచ్చే సమయం విషయంలో జయసుధ, నిర్మాత గొడవపడినట్టు తెలుస్తోంది. జయసుధ ఏ సినిమా షూటింగ్‌కైనా ఉదయం పది గంటలకే హాజరవుతుందట. 

ఈ సినిమాకూ అలాగే 10 గంటలకు వస్తున్నారు. దీంతో నిర్మాత శ్రీనివాసరావు ఆమెను నిలదీశాడట. ఎంతపెద్ద సీనియర్‌ నటులైనా తన షూటింగ్‌ స్పాట్‌లో 8:45కల్లా ఉండాల్సిందే అని వార్నింగ్‌ ఇచ్చాడట. అలాగైతే తనకు కుదరదని, ఈ సినిమా చేయనని చెప్పిందట జయసుధ. 

నిర్మాత కూడా కాస్త కఠినంగా మాట్లాడినట్టు వినికిడి. దీంతో జయసుధ కోపంగా ఆ సినిమా చేయనని చెప్పి సెట్‌ నుంచి ఇంటికి వెళ్లిపోయిందట. ప్రస్తుతం నిర్మాతకు, జయసుధకు మధ్య సయోధ్య కుదిర్చేందుకు పలువురు సినీ పెద్దలు రాయబారం నడుపుతున్నట్టు సమాచారం.