ఇండియన్ ఇనిస్టిట్యూట్ ఆఫ్ కార్టూనిస్టు (ఐఐసీ) మే నెల 18వ తేదీన జాతీయ కార్టూనిస్టుల రెండో సమ్మేళనం సందర్భంగా... దేశంలోని ఏడుగురు ప్రముఖ కార్టూనిస్టులకు జీవితకాల పురస్కారాలను ప్రదానం చేయనుంది.
వీరిలో... ఇ.పి. ఉన్నీ (ఇండియన్ ఎక్స్‌ప్రెస్, న్యూఢిల్లీ), హెచ్.పి.శుక్లా (కాక్- ఘజియాబాద్, ఉత్తరప్రదేశ్), వసంత సర్వతే (ముంబై, మహారాష్ట్ర), టి. వెంకట్రావు (విశాలాంధ్ర, విజయవాడ), ప్రభాకరరావు బాయిల్ (ధార్వార్, కర్ణాటక), థామస్ (టామ్, కొట్టాయం, కేరళ), మదన్ (చెన్నై)లు ఉన్నట్లు.. ఫోరం ఫర్ పొలిటికల్ కార్టూనిస్ట్స్ ఆంధ్రప్రదేశ్ ఓ ప్రకటనలో తెలియజేసింది.
ఇదిలా ఉంటే... మన రాష్ట్రానికి చెందిన టి. వెంకట్రావు (టీవీ)కు ఐఐసీ జీవితకాల పురస్కారం లభించడం, ఆయన కీర్తి కిరీటంలో ఓ కలికితురాయిగా నిల్చిపోతుంది. విశాలాంధ్ర సీనియర్ కార్టూనిస్టుగా పనిచేస్తున్న టీవీ, 2004లో బెస్ట్ కార్టూనిస్టు పురస్కారం కూడా అందుకున్నారు. అలాగే, యునైటెడ్ నేషన్ కూడా ఆయనకు గౌరవ పురస్కారాన్ని ప్రదానం చేసిన సంగతి పాఠకులకు తెలిసిందే...!!
