ఓ ప్రేమోన్మాది బాధితురాలు మృత్యువును జయించింది. ఏకంగా 18 కత్తిపోట్లకు గురైనప్పటికీ ఆమె ప్రాణాలతో బయపడింది. ఈ ఘటన హైదరాబాద్ నగరంలోని వనస్థలిపురంలో జరిగింది.
తాజాగా వెలుగులోకి వచ్చిన ఈ వివరాలను పరిశీలిస్తే, వారం రోజుల క్రితం హస్తినాపురంలోని ఓ ప్రేమోన్మాది తనను ప్రేమించలేదన్న అక్కసుతో ఓ యువతిపై కత్తితో దాడి చేశారు. ఆ యువతి శరీరంపై ఏకంగా 18 సార్లు కత్తితో పొడిచాడు. ఈ ఘటన నగరంలో సంచలనమైంది.
ఈ క్రమంలో బాధితురాలిని కుటుంబ సభ్యులు స్థానిక హస్తినాపురంలోని ఓ ఆస్పత్రిలో చేర్పించారు. వైద్యులు ప్రత్యేక శ్రద్ధ తీసుకుని ఎలాంటి ఆపరేషన్ లేకుండా వైద్యం చేశారు. దీంతో బాధితురాలు పూర్తిగా కోలుకుని డిశ్చార్జ్ అయ్యారు.
సాధారణంగా శరీరంపై ఒకటి రెండు కత్తిపోట్లు పడితేనే మృత్యువాతపడతాం. అలాంటిది ఈ యువతి శరీరంపై ఏకంగా 18 కత్తిపోట్లుపడినప్పటికీ ప్రాణాలతో బయటపడటంతో వైద్యులు సైతం ఆశ్చర్యం వ్యక్తం చేస్తున్నారు.
