కోడలు, మనవళ్లు తిరిగిరాని లోకానికి వెళ్ళిపోగా.. కాంగ్రెస్ నేత, మాజీ ఎంపీ సిరిసిల్ల రాజయ్య కుటుంబం సెంట్రల్ జైలులో ఊచలు లెక్కబెడుతోంది. వరంగల్ కేంద్ర కారాగారంలో అండర్ ట్రయల్ ఖైదీగా 2971సంఖ్యను కేటాయించారు. హన్మకొండ రెవెన్యూకాలనీలోని రాజ య్య ఇంట్లో కోడలు సారిక, ముగ్గురు వునవళ్లు బుధవారం ఉదయం అనుమానాస్పద రీతిలో ప్రాణాలు కోల్పోయిన సంగతి తెలిసిందే.
ఈ ఘటనపై సారిక తల్లి లలిత ఇచ్చిన ఫిర్యాదు మేరకు రాజయ్య దంపతులను, ఆయన కుమారుడు అనిల్‌ను పోలీసులు అరెస్ట్ చేశారు. ఇంకా కోర్టు రిమాండ్ విధించడంతో ఈ ముగ్గురిని పోలీసులు సెంట్రల్‌జైలుకు తరలించారు. ముగ్గురినీ రాత్రి జైలులోని అడ్మిన్‌ బ్లాక్‌లో వుంచారు.
శుక్రవారం వారికి యు.టి. నెంబర్లను కేటాయించారు. రాజయ్యకు యు.టి. నెంబర్‌ 2971, అనిల్‌కు 2970, మాధవికి 7856 నెంబర్‌ను కేటాయించారు.ఇదిలా ఉంటే రాజయ్య ఇంట్లో పేలుడు జరిగిన గదిని వరంగల్ ఎంజీఎం ఫోరెన్సిక్‌ వైద్యుల బృందం శుక్రవారం మరోసారి పరిశీలించింది.
