ప్రొ.కోదండరాం... కేసీఆర్ ప్రభుత్వం గుండెల్లో నిద్రపోతారా..? ఏం చేయబోతున్నారు?

తెలంగాణలో కాంగ్రెస్, తెలుగుదేశం పార్టీల పరిస్థితి తెలిసిందే. వాళ్లు ఎంతగా ప్రభుత్వాన్ని విమర్శించినా చిన్న రివర్స్ ట్విస్టులతో కేసీఆర్ చెప్పే మాటలకు అవన్నీ ఆకాశంలో దూది పింజల్లా ఎగిరిపోయే పిల్ల మేఘాలుగా మారిపోతున్నాయి. ఈ క్రమంలో తాజాగా తెలంగాణలో ప్రభ

తెలంగాణలో కాంగ్రెస్, తెలుగుదేశం పార్టీల పరిస్థితి తెలిసిందే. వాళ్లు ఎంతగా ప్రభుత్వాన్ని విమర్శించినా చిన్న రివర్స్ ట్విస్టులతో కేసీఆర్ చెప్పే మాటలకు అవన్నీ ఆకాశంలో దూది పింజల్లా ఎగిరిపోయే పిల్ల మేఘాలుగా మారిపోతున్నాయి. ఈ క్రమంలో తాజాగా తెలంగాణలో ప్రభుత్వం ప్రజలకు ఇబ్బంది కలిగించే పనులను కడిగేసేందుకు తెలంగాణ ఉద్యమంలో కీలక పాత్ర పోషించిన కోదండరాం ముందుకు వచ్చారు. ఆయన తొలుత మౌనంగానే ఉన్నారు... కానీ మెల్లిమెల్లిగా ఇప్పుడిప్పుడే బయటకు వచ్చేస్తున్నారు. 

తెలంగాణ ప్రజలకు ఎక్కడ ఇబ్బంది కలిగినా తను ఒప్పుకునేది లేదని తేల్చి చెపుతున్నారు. ఇందులో భాగంగానే అవసరమయితే తెలంగాణలోని ఇతర పార్టీలను కలుపుకుని పోయేందుకు వెనుకాడేది లేదని కుండబద్ధలు కొట్టినట్లు చెప్పేశారు. కాంగ్రెస్, తెలుగుదేశం పార్టీలతో పాటు ఇతర పార్టీలను కూడా కలుపుని ప్రభుత్వం ప్రజలకు ఇబ్బంది కలిగించే సమస్యలను ఒకే గొంతుతో వినిపిస్తామన్నారు. 

తామంతా కలిసి ప్రజల గొంతుకను వినిపించేందుకు ప్రయత్నిస్తుంటే తమ గొంతును నొక్కేయాలని ప్రభుత్వం చూస్తోందని విమర్శించారు. విద్యా రంగంలో నెలకొన్న సమస్యలను పరిష్కరించాలని డిమాండ్ చేస్తున్న కోదండరామ్, ప్రైవేట్ యూనిర్శిటీల బిల్లును వ్యతిరేకిస్తామన్నారు. జనవరి 7 నుంచి తామంతా కలిసి తెలంగాణలో కదం తొక్కుతామని వెల్లడించారు.