టాలీవుడ్ 'డ్రగ్' సెలబ్రిటీలకు గ్రేట్ రిలీఫ్... వాళ్లు బాధితులేనన్న కేసీఆర్
ఇప్పటివరకూ డ్రగ్స్ కేసులో విచారణకు హాజరైన టాలీవుడ్ నటీనటులు డ్రగ్స్ కేసుల్లో అరెస్టు అవుతామేమోనన్న ఆందోళలో వున్నట్లు తెలిసిందే. ఐతే వాళ్లందరికీ తెలంగాణ ముఖ్యమంత్రి కేసీఆర్ పెద్ద రిలీఫ్ ఇచ్చే మాట చెప్పారు. నోటీసులు అందుకున్న సినీ ఇండస్ట్రీ ప్రముఖులు బ
ఇప్పటివరకూ డ్రగ్స్ కేసులో విచారణకు హాజరైన టాలీవుడ్ నటీనటులు డ్రగ్స్ కేసుల్లో అరెస్టు అవుతామేమోనన్న ఆందోళలో వున్నట్లు తెలిసిందే. ఐతే వాళ్లందరికీ తెలంగాణ ముఖ్యమంత్రి కేసీఆర్ పెద్ద రిలీఫ్ ఇచ్చే మాట చెప్పారు. నోటీసులు అందుకున్న సినీ ఇండస్ట్రీ ప్రముఖులు బాధితులే తప్ప నేరస్తులు కారని స్పష్టీకరించారు. డ్రగ్స్ వాడటాన్ని తాము నేరంగా పరిగణించడం లేదనీ, డ్రగ్స్ అమ్మకందార్లు, సరఫరా చేసేవారు, ఇతరులకు అలవాటు చేస్తున్నవారిపై ఖచ్చితంగా కఠిన చర్యలుంటాయన్నారు.
ఈ విషయంలో పోలీసులకు పూర్తి స్వేచ్ఛ ఇచ్చినట్లు చెప్పారు. తెలుగు సినీ పరిశ్రమను లక్ష్యం చేసుకున్నామన్న ఆరోపణల్లోవాస్తవం లేదని చెప్పిన ఆయన డ్రగ్స్ తీసుకోవడం నేరం కాదన్నారు. దేశంలోనే తెలంగాణ డ్రగ్స్ విషయంలో అగ్రస్థానంలో వున్నదన్న మాటలో నిజం లేదనీ, పంజాబ్, ఢిల్లీ, మహారాష్ట్ర తదితర రాష్ట్రాలతో పోల్చితే తెలంగాణలో చెప్పుకునే స్థాయిలో కూడా లేదన్నారు.
ఇప్పుడిప్పుడే ఇక్కడ డ్రగ్స్ దందా వెలుగుచూడటంతో దానిపై ఉక్కుపాదం మోపుతున్నట్లు తెలియజేశారు. కేసు తీవ్రత దృష్ట్యా సీఐడికి అప్పగించాలన్న యోచనలో ప్రభుత్వం వున్నట్లు తెలుస్తోంది. మరోవైపు డ్రగ్స్ కేసుకు సంబంధించి రెండో జాబితా రెడీ అవుతుందన్న ప్రచారం జరుగుతోంది. మరి ఇందులో ఎవరి పేర్లు వుంటాయన్న ఆసక్తి నెలకొంది.
