హైదరాబాదులో షాకింగ్ ఫుటేజీ చర్చకు దారితీసింది. పోలీసులు అప్పుడప్పుడూ కెమెరా ఫుటేజీలను గమనిస్తూ వుంటారు. ఈ క్రమంలో ఓ షాకింగ్ దృశ్యం కనిపించింది. ఓ యువకుడు నగ్నంగా బైక్‌పై సంచరిస్తూ కనిపించాడు. ఇప్పటికే అతడి వీడియోలు సోషల్ మీడియాలో వైరల్‌గా మారాయి. మరి అది నిజమో కాదో నిర్ధారించుకునేందుకు.. సీసీ ఫుటేజీలను పరిశీలించారు పోలీసులు. అప్పుడే షాకింగ్ నిజాలు బయటపడ్డాయి.
పోలీసులు తెలిపిన వివరాల ప్రకారం.. తిరుమలగిరి ప్రాంతంలో ఓ యువకుడు నగ్నంగా బైక్ నడిపాడు. మారేడ్‌పల్లి నుంచి నేరెడ్‌మెంట్ రూట్‌లో శరీరంపై బట్టలు లేకుండా సంచరించడంతో స్థానికులు షాక్ తిన్నారు. ఈ వ్యవహారంపై ఇన్‌స్పెక్టర్ శ్రవణ్ కుమార్ ఆసక్తికర విషయాలు వెల్లడించారు. మతిస్థిమితం లేని ఓ యువకుడు లంగర్‌హౌస్ ప్రాంతంలో ఓ బైక్‌ను చోరీచేశాడు.
ఆ బైక్‌పై లంగర్‌హౌస్ నుంచి తిరుమల వైపు వచ్చాడు. ఆర్మీ రోడ్లపై నగ్నంగా తిరుగుతూ హల్‌చల్ చేశాడు. అనంతరం అదే బైక్‌పై సనత్‌నగర్ వైపు వెళ్లాడు. ఎవరూ లేని చోటు చూసి.. అక్కడే బైక్ వదిలిపెట్టి వెళ్లిపోయాడు. అతడు ఎందుకిలా చేశాడన్న దానిపై పోలీసులు ఆరాతీస్తున్నారు. మతిస్థిమితం లేకపోవడమే కారణమని ప్రాథమికంగా భావిస్తున్నారు.
