తండ్రిపై పోలీసులకు ఎనిమిదేళ్ల బాలుడు ఫిర్యాదు

శుక్రవారం, 4 అక్టోబరు 2019 (17:52 IST)
కన్నతండ్రి పైనే ఎనిమిదేళ్ల బాలుడు పోలీసులకు ఫిర్యాదు చేశాడు. తండ్రి కొడుతున్నాడని, వేధింపులకు గురిచేస్తున్నాడంటూ... ఆ బాలుడు ఏకంగా పోలీసులను ఆశ్రయించాడు. అసలేం జరిగిందంటే...?

ఎనిమిదేళ్ల బాలుడు తన తండ్రి నిత్యం అకారణంగా కొడుతూ, తిడుతూ వేధింపులకు గురి చేస్తున్నాడని పోలీస్‌ స్టేషన్‌కు వెళ్లి ఫిర్యాదు చేశాడు. ఈ ఘటన గురువారం నిజామాబాద్‌ జిల్లాలో వర్ని మండలంలోని ఓ గ్రామంలో చోటుచేసుకుంది.

బాలుడి కుటుంబ సభ్యులను ఠాణాకు పిలిపించిన ఎస్సై కౌన్సెలింగ్‌ నిర్వహించారు. ఇక నుంచి ఎలాంటి ఇబ్బందుల్లేకుండా, బాధపెట్టకుండా చూసుకుంటామని తండ్రి చెప్పడంతో వదిలిపెట్టారు. అనంతరం బాలుడిని కుటుంబ సభ్యులు ఇంటికి తీసుకెళ్లారు.

వెబ్దునియా పై చదవండి

తర్వాతి కథనం హైకోర్టు సీజేగా జస్టిస్ జె.కె.మహేశ్వరి