మూసీ రివర్‌ఫ్రంట్‌ డెవలప్‌మెంట్‌ ప్రాజెక్ట్‌ పేరుతో కూల్చివేతలతో తెలంగాణ ప్రజలకు ముఖ్యమంత్రి రేవంత్‌రెడ్డి, కాంగ్రెస్ నాయకత్వం ద్రోహం చేస్తున్నాయని బీఆర్‌ఎస్‌ వర్కింగ్‌ ప్రెసిడెంట్‌ కేటీ రామారావు మంగళవారం మండిపడ్డారు. ఇళ్లను ధ్వంసం చేసి చాలా మంది, ముఖ్యంగా పిల్లల జీవితాలను ఛిద్రం చేయడాన్ని ఆయన ఖండించారు.
"ప్రియమైన ముఖ్యమంత్రి, మీరు వారి ఇళ్లను, కలలను కూల్చివేశారు. ఈ పిల్లలు తమ జీవిత జ్ఞాపకాల కోసం కూల్చివేసిన వారి ఇంటి శిథిలాలను వెతుకుతారు. మాల్స్ కట్టడానికి వారి ఇళ్లను ధ్వంసం చేశారని మీరు, మీ మంత్రులు చెబుతారా? మీరు వాగ్దానం చేసిన ప్రజా పాలన ఇదేనా? మంగళవారం మూసీ నదీగర్భంలోని చాదర్‌ఘాట్‌కు సమీపంలోని శంకర్‌నగర్‌లో పాక్షికంగా కూల్చివేసిన వారి ఇంట్లో ఇద్దరు బాలికల వీడియోను షేర్ చేస్తూ ఆయన ప్రశ్నించారు.
కాంగ్రెస్ నేత రాహుల్ గాంధీని నేరుగా టార్గెట్ చేస్తూ, "తెలంగాణలో మీ కూల్చివేత సర్కార్ చూడండి. మీరు ప్రజల పక్షాన నిలబడతామని హామీ ఇచ్చారు, కానీ మీ ముఖ్యమంత్రి బుల్డోజర్ రాజకీయాలకు వ్యతిరేకంగా తెలంగాణ ప్రజల గొంతు వినిపించారా?" అని అడిగారు. మూసీ ప్రాజెక్టు ప్రభావిత ప్రాంతాల్లో రాహుల్ గాంధీ పర్యటించి గ్రౌండ్ రియాలిటీని చూడాలన్నారు.
ఢిల్లీలో రాహుల్ గాంధీ అదానీకి వ్యతిరేకంగా పోరాటం ప్రకటించగా, ముఖ్యమంత్రి రేవంత్ రెడ్డి దావోస్‌లో అదానీతో చేతులు కలిపి కార్పొరేట్ సంబంధాలపై కాంగ్రెస్ వైఖరిలోని వైరుధ్యాన్ని కూడా కేటీఆర్ ఎత్తిచూపారు.
తెలంగాణలో కాంగ్రెస్ పార్టీ ఫిరాయింపులను ప్రోత్సహిస్తోందని, హిమాచల్ ప్రదేశ్ వంటి ఇతర రాష్ట్రాల్లో ఫిరాయింపులను వ్యతిరేకిస్తుందని కేటీఆర్ అన్నారు. "ఇది ధర్మమా లేక అవకాశవాద రాజకీయమా?" అని ప్రశ్నల వర్షం కురిపించారు. ప్రస్తుతం కేటీఆర్ ఎక్స్ పోస్ట్ నెట్టింట వైరల్ అవుతోంది.
