హైదరాబాద్‌లో రక్షణ ఉత్పత్తి యూనిట్ ఏర్పాటు కోసం అదానీ గ్రూప్‌తో గత ప్రభుత్వాలు కుదుర్చుకున్న ఒప్పందాలను రాష్ట్ర ప్రభుత్వం రద్దు చేయలేమని ముఖ్యమంత్రి ఎ. రేవంత్ రెడ్డి అన్నారు. కేంద్రంలోని బిజెపి ప్రభుత్వం రక్షణ రంగంలో 100 శాతం ప్రైవేట్ పెట్టుబడులను అనుమతించిందని, అది రాష్ట్ర ప్రభుత్వ పరిధిలో లేదన్నారు.
అదానీ గ్రూప్‌పై చర్య తీసుకోవాలనే డిమాండ్ నేపథ్యంలో " అదానీ వ్యవహారంలో రాష్ట్ర ప్రభుత్వానికి ఎటువంటి పాత్ర లేదు. బీజేపీ ప్రభుత్వం రక్షణ రంగంలో 100 శాతం ప్రైవేట్ పెట్టుబడులను అనుమతించింది. గత ప్రభుత్వాలు సంతకం చేసిన ఒప్పందాల ఆధారంగా అదానీ గ్రూప్ హైదరాబాద్‌లో తన రక్షణ తయారీ కేంద్రాన్ని స్థాపించింది. రాష్ట్ర ప్రభుత్వం దీనిని గౌరవించాలి." అని రేవంత్ రెడ్డి అన్నారు.
"ఇది అదానీ లేదా ఏ వ్యక్తి గురించి కాదు, రక్షణ ఉత్పత్తిలో ప్రైవేట్ రంగ ప్రమేయాన్ని అనుమతించే కేంద్రం విధానం గురించి. రాష్ట్ర ప్రభుత్వం ఈ ఒప్పందాలను ఏకపక్షంగా రద్దు చేయదు" అని అన్నారు.
