హైదరాబాద్ నగరంలోని అక్రమ నిర్మాణాలను తొలగించేందు ఆ రాష్ట్ర ప్రభుత్వం హైడ్రా పేరుతో ఓ స్వతంత్ర బాడీని ఏర్పాటు చేసింది. ఈ సంస్థకు కమిషనర్‌గా రంగనాథ్‌ను ప్రభుత్వం నియమించింది. ఆ తర్వాత ఆయన బాధ్యతలు చేపట్టిన తర్వాత అక్రమ నిర్మాణాలపై ఉక్కుపాదం మోపుతున్నారు. హైడ్రా కమిషనర్‌పై హైకోర్టు ఆగ్రహం వ్యక్తం చేస్తున్నప్పటికీ ఆయన మాత్రం ఏమాత్రం వెనక్కి తగ్గడం లేదు. తన పని తాను చేసుకుంటూ వెళుతున్నారు.
ఈ క్రమంలో సంగారెడ్డి జిల్లా అమీన్ పూర్ మున్సిపాలిటీలోని ఐలాపూర్ రాజగోపాల్ నగర్ అసోసియేషన్ సభ్యులతో హైడ్రా కమిషనర్ రంగనాథ్ సమావేశమయ్యారు. ముఖ్యంగా, ప్లాట్లు కొనుగోలు చేసిన బాధితుల అభిప్రాయాలను రంగనాథ్ తెలుసుకుంటున్నారు. ఆ సమయంలో ఐలాపూర్ గ్రామ వాసి, సుప్రీంకోర్టు న్యాయవాది ముఖీం... హైడ్రా కమిషనర్ రంగనాథ్‌తో మాట్లాడుతుండగా ఇరువురి మధ్య వాగ్వివాదం జరిగింది.
ఆ సమయంలో తెలుగు వచ్చా అంటూ రంగనాథ్‌ను ముఖీం ప్రశ్నించారు. మీరు చెప్పేది మీరు చెప్పండి.. ఓవర్ యాక్షన్ చెయొద్దంటూ అంటూ ముఖీంను హైడ్రా కమిషనర్ రంగనాథ్ హెచ్చరించారు. దీనికి సంబంధించిన వీడియో ఒకటి ఇపుడు సోషల్ మీడియాలో వైరల్ అవుతుంది.
