సార్వత్రిక ఎన్నికల ఓట్ల లెక్కింపునకు సిద్ధమవుతుంది. ఓట్ల లెక్కింపు సందర్భంగా ఎక్కడా ఎలాంటి అవాంఛనీయ ఘటనలు జరగకుండా ఎన్నికల సంఘం పూర్తి జాగ్రత్త చేపడుతుంది. హైదరాబాద్ నగరంలో కౌంటింగ్ ప్రక్రియ సజావుగా సాగేలా చూడాలంటూ జిల్లా ఎన్నికల అధికారి రోనాల్డ్ రోస్ అధికారులు ఆదేశించారు. ఈ మేరకు శనివారం మైక్రో అబ్జర్వర్లు, కౌంటింగ్ సూపర్‌వైజర్లు, కౌంటింగ్ అసిస్టెంట్లు, వీఆర్వోలకు కౌంటింగ్ ప్రక్రియపై బంజారాహిల్స్‌లోని కుమర్ భీమ్ భవన్‌లో శిక్షణ ఇచ్చారు.
ఈ సందర్భంగా ఎన్నికల అధికారి రోస్ మాట్లాడుతూ, హైదరాబాద్ నగరంలో మొత్తం 16 కౌంటింగ్ కేంద్రాలు ఏర్పాటు చేశామని, ప్రతి హాల్‌లో 14 టేబుళ్లు చొప్పున ఏర్పాటు చేసినట్టు వివరించారు. ఉదయం 8 గంటలకే ఓట్ల లెక్కింపు ప్రారంభమవుతుందని తెలిపారు. కౌటింగ్ సందర్భంగా ఈవీఎంలలో సాంకేతిక సమస్యను ఏర్పడితే పరిష్కరించేందుకు నిపుణులు అందుబాటులో ఉంటారని తెలిపారు. కౌంటింగ్ కేంద్రాలలో మొబైల్ ఫోన్లను అనుమతించబోమని రోనాల్డ్ రోస్ స్పష్టం చేశారు.
