గత తెలంగాణ ప్రభుత్వ విప్ బాల్క సుమన్ చెన్నూరు నియోజకవర్గంలో పరాజయం పాలయ్యారు. తెరాస అధికారంలో వున్నప్పటి నుంచి బాల్క సుమన్ కి ప్రత్యేక గుర్తింపు వుంది. ఈసారి ఎన్నికల్లోనూ విజయం సాధిస్తారని అనుకున్నారు కానీ భారాస చతికిలపడింది. మంత్రులుతో సహా చాలామంది సీనియర్లు పరాజయం పాలయ్యారు. ఇక ప్రజలు ఇచ్చిన షాక్ నుంచి తేరుకున్న నేతలు తమ రోజువారీ కార్యక్రమాల్లో బిజీ అవుతున్నారు.
ఈరోజు బాల్క సుమన్ తన చిన్నకొడుకుని స్కూల్లో దిగబెడుతూ సెల్ఫీ తీసి సోషల్ మీడియాలో పోస్టు చేసారు. ఇప్పుడే మా అబ్బాయిని స్కూల్లో విడిచిపెట్టా అంటూ ట్యాగ్ చేసారు. దీనిపై నెటిజన్లు కామెంట్లు చేస్తున్నారు. అలా మంచిగ ఫ్యామిలీతో ఎంజాయ్ చేయన్నా అంటూ బాల్క సుమన్‌కి కామెంట్ పెట్టారు.
