తీసుకోవలసిన పదార్ధాలు: బీట్‌రూట్ - 1(మీడియం సైజులో), పాలు - అర లీటరు, చక్కెర - ఒక కప్పు, ఆల్మండ్ ఎస్సెన్స్ - ఒక టేబుల్ స్పూను.
ఇలా తయారు చేయండి: ముందుగా బీట్ రూట్‌ను శుభ్రంగా కడుక్కొని దానిపై తొక్కను తొలగించాలి. అనంతరం బీట్‌రూట్‌ను చిన్న చిన్న ముక్కలుగా కట్‌చేసుకుని సిద్ధంగా ఉంచుకోవాలి. ఇప్పుడు స్టౌమీద బాణళి వేడెక్కాక బీట్‌రూట్ ముక్కలను వేసి.. అందులో సరిపడినంత పాలు పోయాలి.
ఈ మిశ్రమాన్ని ఎక్కువగా వేయించకుండా స్టౌమీద వేయించకూడదు. మిగిలిన పాలను స్టౌమీద బాగా కాగించాలి. ఇప్పుడు ఉడికించిన బీట్‌రూట్ ముక్కలను బాగా రుబ్బుకుని దానికి కాగిన పాలను జోడించాలి. ఈ మిశ్రమాన్ని ఓ ఐదు నిమిషాల పాటు స్టౌమీద పెట్టాలి.
కాసేపటి తర్వాత కాగిన ఈ మిశ్రమానికి చక్కెర కలుపుకోవాలి. అనంతరం స్టౌమీద నుంచి దించేసి కాసేపు చల్లారిన తర్వాత అందులో ఆల్మండ్ ఎస్సెన్స్ కలుపుకోవాలి. దీంతో బీట్‌రూట్ ఖీర్ రెడీ. దీన్ని చల్లగా తింటే ఎంతో రుచిగా ఉంటుంది.
