హాకీ ప్రపంచ కప్‌లో భారత్ నిష్క్రమించింది. సొంతగడ్డపై జరుగుతున్న ఈ హాకీ ప్రపంచ కప్‌లో భారత్ క్వార్టర్ ఫైనల్స్‌లో విఫలమైంది.
న్యూజిలాండ్‌తో జరిగిన కీలక మ్యాచ్‌లో భారత్ పరాజయం పాలైంది. భారత్ వర్గీకరణ మ్యాచ్‌లో జపాన్‌తో తలపడనుంది. ఈ మ్యాచ్ జనవరి 26న జరగనుంది.
వివరాల్లోకి వెళితే.. నిర్ణీత సమయానికి స్కోరు 3-3తో సమం కాగా, పెనాల్టీ షూటవుట్ నిర్వహించారు. పెనాల్టీ షూటవుట్‌లో భారత్ 4-5 తేడాతో ఓడిపోయింది.
షూటవుట్‌లో షంషేర్ సింగ్, సుఖ్ జీత్ సింగ్, హర్మన్ ప్రీత్ సింగ్, అభిషేక్ గోల్స్ మిస్ చేయడం భారత్‌కు ప్రతికూలంగా వుంది.
తొలి అర్ధభాగం ముగిసే సమయానికి 2-0తో, మూడో క్వార్టర్‌లో 3-1తో ఆధిక్యంలో నిలిచిన భారత్.. ప్రాథమిక తప్పిదాలు చేసి బ్లాక్ స్టిక్స్‌ను 3-3తో సమం చేసి మ్యాచ్‌ను షూటౌట్ లోకి తీసుకెళ్లింది.
భారత ఆటగాళ్లు 11 పెనాల్టీ కార్నర్లు సాధించినా కేవలం రెండు గోల్స్ మాత్రమే చేయగలిగారు. 18 సర్కిల్ ఎంట్రీలు ఉన్నప్పటికీ గోల్ వద్ద కేవలం 12 షాట్లు మాత్రమే చేయగలిగారు.
