డేవిస్ కప్ టెన్నిస్ టోర్నమెంట్లో స్విజ్ మాస్టర్ రోజర్ ఫెదరర్ శుభారంభం చేశాడు. వింబుల్డన్ టోర్నమెంట్లో ఆశించిన మేరకు రాణించలేకపోయిన రోజర్ ఫెదరర్, పోర్చుగీస్‌కు చెందిన మంచెడోను మట్టికరిపించాడు. 90 ర్యాంకులు వెనకబడిన మచాడోపై 5-7 6-3 6-4 6-2 పాయింట్ల తేడాతో రోజర్ ఫెదరర్ గెలుపును నమోదు చేసుకున్నాడు.
రోజర్ ఫెదరర్ విజయంతో స్విట్జర్లాండ్ 2-0 ఆధిక్యంతో నిలిచింది. ఆద్యంతం మెరుగ్గా రాణించిన రోజర్ ఫెదరర్ 14 బ్రేక్ పాయింట్లతో విజయం సాధించాడు. తొలి రౌండ్ మ్యాచ్‌లో స్టానిస్లాస్ వార్వింకా ఫ్రెడ్‌రికో గిల్‌పై విజయం సాధించగా, రెండో రౌండ్లో రోజర్ ఫెదరర్ రుయ్ మచాడోను మట్టికరిపించాడు.
