చేతి వేలికి దేవుని ఉంగరం ఎలా ధరించాలి... ధరిస్తే ఏ నియమాలు పాటించాలి
మనలో చాలామంది ఉంగరాల్లో, చైన్‌లలో దేవుడి ప్రతిమలు ఉంచుకుంటారు. ఉదయాన్నే లేచి కళ్ళకు అద్దుకోవడం, దండం పెట్టుకోవటం లాంటివి చేస్తుంటాము. ఆ ప్రతిమలలో దైవత్వం ఆపాదించుకుంటాం. దేవుడి ఉంగారాలు, గొలుసులు ధరించగానే సరికాదు. దానికి కొన్ని పద్ధతులు ఉన్నాయి. ఉంగ
మనలో చాలామంది ఉంగరాల్లో, చైన్‌లలో దేవుడి ప్రతిమలు ఉంచుకుంటారు. ఉదయాన్నే లేచి కళ్ళకు అద్దుకోవడం, దండం పెట్టుకోవటం లాంటివి చేస్తుంటాము. ఆ ప్రతిమలలో దైవత్వం ఆపాదించుకుంటాం. దేవుడి ఉంగారాలు, గొలుసులు ధరించగానే సరికాదు. దానికి కొన్ని పద్ధతులు ఉన్నాయి. ఉంగరాలు కాని, గొలుసులు కాని దేవుడి ప్రతిమలు ఉంటే వాటికి దేవాలయాల్లో తగిన పూజలు, అభిషేకాలు చేయించి జాతకరీత్యా ధరించాలి. అలా చేస్తేనే ఆ ప్రతిమలకు శక్తి వస్తుంది. అప్పుడు సాక్షాత్తు భగవంతుడు మన వెంటే ఉన్నట్లు. అయితే ఇక్కడ ఉంగరం ధరించిన తరువాత తీసుకోవాల్సిన జాగ్రత్తలు అనేకం ఉంటాయి.
ఉంగరంలో ఉన్న దేవుడి ప్రతిమ శిరస్సు మణికట్టు వైపు, కాళ్ళు గోర్ల వైపు ఉండాలి. ఎందుకంటే మానవ శరీరం చేతివేళ్ళు, గోర్లు భూమిని చూస్తూ ఉంటాయి. కళ్ళకు అద్దుకునేటప్పుడు గుప్పిట ముడిచి కళ్ళకు అద్దుకోవాలి. ఇక స్త్రీలు అయితే బహిష్టు సమయం కంటే ముందే ఉంగరాలు, లాకెట్లు తీసి భద్ర పరుచుకోవాలి. ఆ సమయంలో ధరించకూడదు. అంతేకాదు భోజనం చేసేటప్పుడు ఎంగిలి అంటకూడదు. మాంసాహారం భుజించకూడదు. ఇక మగవారు ధూమపానం చేసేటప్పుడు, ఆ పొగ మనం ధరించిన దేవుడి ప్రతిమకు తగులకూడదు. అంతేకాదు మద్యపానం కూడా అంతే. ఇన్ని జాగ్రత్తలు పాటిస్తేనే దేవుడి ప్రతిమ కల ఉంగరాన్ని ధరించాలి. లేకపోతే మంచి కంటే చెడే ఎక్కువ జరిగే ప్రమాదం ఉంటుందని పెద్దలు చెబుతుంటారు.
