ఈమధ్య కాలంలో మగాళ్ల మోసాలు.... అంటే కట్టుకున్న భార్యను మోసం చేయడం ఎక్కువయిపోయినట్లు వెల్లడయింది. దీనికి పలు కారణాలున్నాయని మనస్తత్వ నిపుణులు తేటతెల్లం చేశారు. మగాడు అలా ప్రవర్తించడం వెనుక చాలా అంశాలు ఉన్నట్లు కనుగొన్నారు.
వాటిలో కొన్ని ముఖ్యమైన కారణాలు ఏమంటే...
ఉద్యోగంలో పదవీ ఉన్నతి కోసం మరో మహిళతో సాన్నిహిత్యం
కొత్త విషయాలు తెలుసుకునే క్రమంలో అనుకోకుండా మరో మహిళతో సంబంధం
జీవితం బోరింగ్ ఫీలై కొత్త స్నేహం దొరగ్గానే కట్టుకున్న భార్యకు అబద్ధాలు చెపుతూ రిలేషన్ కొనసాగించడం
ఓ మహిళతో స్నేహం తను సామాజికంగా మంచి స్థానానికి వెళ్తాననుకుంటే శ్రీమతికి చెప్పాపెట్టకుండా ఫ్రెండ్‌షిప్‌కు రెడీ.
భార్యపై ఉన్న కోపాన్ని తీర్చుకునే సాధనంగా కూడా మరో మహిళతో సంబంధం.
ఇంట్లో భాగస్వామి కంటే బయట స్నేహితురాలితో దొరికే సంతోషం ఎక్కువన్న ఫీలింగ్ వల్ల.
తన బాధను పంచుకునే విషయంలో భార్య కంటే మరో స్త్రీ సమర్థవంతురాలని భావించడం వల్ల.
సుఖదుఃఖాలలో భార్య తనకు తోడునీడగా ఉండని స్థితిలో మరో మహిళ వద్ద ప్రేమాప్యాయతలు దొరకడం వల్ల.
తన భార్య కంటే మరో మహిళ తనను ఎక్కువగా ప్రేమిస్తుందనే విశ్వాసం వల్ల.
తన కోర్కెలను భార్య నెరవేర్చడం లేదనే నెపంతో ఆమెను వదిలి మరో మహిళతో.
... ఇలా పలు కారణాల వల్ల పురుషుడు తన భాగస్వామిని చీట్ చేస్తున్నాడని తేలింది.
