దీపావళికి నోములు నోస్తున్నారా.. అయితే ఈ స్టోరీ మీ కోసమే. అక్టోబర్ 31వ తేదీన అమావాస్య మధ్యాహ్నం రెండు గంటల నుంచి ప్రారంభం అవుతుంది. సూర్యోదయానికి అమావాస్య తిథి వుందని.. అందుకే దీపావళి నోములు ఒకటవ తేదీన నిర్వహించుకోవడం మంచిదని సూచిస్తున్నారు.
అయితే లక్ష్మీపూజ మాత్రం గురువారం సాయంత్రం నిర్వహించుకోవచ్చు. నోములు చేయడం ద్వారా కుటుంబం సంక్షేమంగా వుండాలని కోరుకోవాలి. ముఖ్యంగా మహిళలు ఈ నోములను ఎంతో భక్తి శ్రద్ధలతో నిర్వహిస్తూ వుంటారు. నోములు నోచిన అనంతరం వాయినాలు ఇవ్వడం అనేది ఆనవాయితీ.
ఉదయం లేవగానే అభ్యంగన స్నానం చేసి నోమును నిర్వహించుకోవాలి. పార్వతీ పరమేశ్వరులను పూజించే కేదారేశ్వరి వ్రతం కోసం అయితే మొత్తం 21 రకాల నైవేద్యాలు సమర్పించాల్సి వుంటుంది. ఇక దీపావళి పండుగ నోముల సందర్భంగా కొన్ని ప్రదేశాల్లో బొమ్మలకొలువు కూడా నిర్వహిస్తూ వుంటారు.
ఇష్టకార్యార్థ సిద్ధం కోసం నోములు నోస్తుంటారు. నోముల నిర్వహించిన సమయంలో కొన్ని కఠినమైన నియమాలు పాటించాల్సి వుంటుంది. ఉపవాసం కచ్చితంగా వుంటారు. దీపావళి సందర్భంగా నోములు నోస్తే లక్ష్మీదేవి కటాక్షం లభిస్తుందని విశ్వాసం.
కేదారేశ్వరి వ్రతం చేసుకోవడం పురాణ కాలం నుంచి వస్తున్నటువంటి ఆచారం. అలాగే కార్తీక మాసం ప్రారంభమైన నేపథ్యంలో ఈ నోమును నోస్తారు.
