మటన్‌లో అధికంగా ప్రోటీన్లు ఉంటాయి. ఐరన్‌ ఉంటుంది. ఫ్యాట్‌ తక్కువ ప్రమాణాల్లో ఉంటుంది. శరీరానికి అవసరమయ్యే పోషకవిలువలు మటన్‌లో ఎక్కువగా ఉంటాయి. ఇది మంచి పౌష్టికాహారం. అలాంటి మటన్‌తో ఫ్రై ఎలా చేయాలో చూద్దాం..
కావలసిన పదార్థాలు:
మటన్: అరకిలో,
వెల్లుల్లి రెబ్బలు: పది,
పసుపు: టీస్పూను,
గరంమసాలా: టేబుల్‌స్పూను,
పెరుగు: కప్పు,
పలావుఆకులు: రెండు,
ఆవనూనె: కప్పు,
అల్లం పేస్ట్ : ఒక స్పూన్
ఉప్పు: రుచికి తగినట్లు
తయారుచేసే విధానం:
ముందుగా మటన్ ముక్కలకు టేబుల్‌స్పూను నూనె, పసుపు, ఉప్పు, బాగా గిలకొట్టిన పెరుగు పట్టించి రెండు గంటలు నాననివ్వాలి. తర్వాత బాణలిలో నూనె పోయాలి. అందులోనే అల్లం, వెల్లుల్లి, పలావు ఆకులు వేసి ఓ నిమిషం వేయించాలి. తరే్వ అన్నీ పట్టించిన మటన్ ముక్కలు వేసి సిమ్‌లో ఉంచి ఉడికించాలి. చివరగా గరంమసాలా వేసి బాగా కలిపి దించాలి. అంతే మటన్ 65 రెడీ. దీన్న అన్నంలోకి లేదా టమోటా సాస్‌తో సర్వ్ చేస్తే టేస్టు అదిరిపోతుంది.
