ప్రియుడి ముసుగులో పడి భర్తను భార్య చంపేస్తున్న సంఘటనలు ఎన్నో చూస్తుంటాం. అలాగే ప్రియురాళ్ళ ముసుగులో పడి భార్యను చంపేస్తున్న భర్తలను చూసే ఉంటాం. కానీ ఇక్కడ ట్విస్ట్ ఏంటంటే ప్రియుడిని గాఢంగా ప్రేమిస్తున్న తన భార్య అతనితోను, తనతోను కలిసి ఉండవచ్చని భర్త చెప్పడం. బంధువులు, సొంతవారు వారిస్తున్నా పట్టించుకోలేదు ఆ భర్త. చివరకు భార్య కారణంగా ఆసుపత్రిపాలయ్యాడు ఓ భర్త.
ఛతర్ పూర్ జిల్లాలోని లవ్‌కుష్ నగర్ పోలీసు స్టేషన్ పరిధిలో నివాసముంటున్నారు సంతోష్, సుధ. వీరికి ఒక కొడుకు ఉన్నాడు. సుధకు 35 ఏళ్లు. గత ఆరు నెలల నుంచి సుధ, ప్రమోద్ అనే యువకుడితో సన్నిహితంగా ఉంటోంది. ప్రమోద్, సుధ కొడుక్కి ట్యూషన్ చెప్పేందుకు వచ్చిన టీచర్.
ప్రమోద్‌కు పెళ్ళి కూడా కాలేదు. సుధ అతనికి కనెక్టయ్యింది. భర్త కంటే ప్రియుడితోనే ఎక్కువగా ఎంజాయ్ చేస్తూ ఉండటం మొదలుపెట్టింది సుధ. అయితే ఈ విషయం భర్తకు తెలిసింది. ఏ భర్త అయినా భార్యను కానీ లేదంటే ప్రియుడి పైన దాడి చేయడం.. లేకుంటే తనే ఆత్మహత్య చేసుకోవడం లాంటివి చేసేవారిని చూసాం.
కానీ ఇక్కడ సంతోష్ మాత్రం తన భార్య ప్రియుడితో ఉన్నా ఫర్వాలేదు, కానీ నా బిడ్డను నన్ను వదిలివెళ్ళకుండా ఉంటే మాత్రం చాలనుకున్నాడు. రెండురోజుల క్రితం ప్రియుడితో కలిసి వెళ్ళిపోయేందుకు సిద్ధమైన సుధ, భర్తను చంపేద్దామనుకుంది.
అడ్డంకిగా ఉన్న భర్తను చంపేందుకు టీలో విషం కలిపి ఇచ్చింది. అయితే అపస్మారక స్థితిలో ఉన్న సంతోష్‌ను బంధువులు ఆసుపత్రికి తరలించారు. అప్పటికే భార్య ప్రియుడితో పరారైంది. పోలీసుల విచారణలో భార్యదే కీలక పాత్రగా భావించి కేసు నమోదుకు సంతోష్‌ను అడిగారు. అయితే తన భార్య చేసింది తప్పు కాదని.. ఇప్పటికీ తన భార్య ఇక్కడకు వస్తే తాను ఇంటికి తీసుకెళతానంటున్నాడు సంతోష్.
సంతోష్ మాటలు విన్న పోలీసులు అవాక్కయ్యారు. ప్రస్తుతం సుధ పరారీలో వుండగా ఈ విషయం కాస్త పెద్ద చర్చకే దారితీస్తోందట. కానీ సంతోష్ బంధువులు మాత్రం సుధను ఇక వదిలేసి ఆమెపై హత్యాయత్నం కేసు పెట్టాలని ఒత్తిడి తెస్తున్నారట.
