కొట్టకండి.. ఇక ఆలయంలోకి వెళ్లను.. దళిత యువకుడి రోదన (వీడియో)

గురువారం, 6 జూన్ 2019 (12:07 IST)
కొట్టకండి.. ఇక ఆలయంలోకి వెళ్లను.. అంటూ ఓ దళిత యువకుడు ఎంతగా రోదించినా.. దారుణంగా అతనిపై దాడి చేసిన ఘటనకు సంబంధించిన వీడియో ప్రస్తుతం నెట్టింట వైరల్ అవుతోంది. ఆలయంలోకి ప్రవేశించిన కారణంగా ఓ దళిత యువకుడిని కట్టేసి.. నలుగురు దారుణంగా దాడి చేసిన ఘటన సంచలనం సృష్టించింది. 
 
వివరాల్లోకి వెళితే.. రాజస్థాన్, బాలీ జిల్లాలో ఓ దళిత యువకుడు ఆ ప్రాంతంలోని ఆలయంలోకి ప్రవేశించేందుకు ప్రయత్నించాడు. కానీ అతనిని అడ్డుకున్న ఉన్నత వర్గానికి చెందిన కొందరు వ్యక్తులు.. ఆ యువకుడిపై విచక్షణా రహితంగా దాడులు చేశారు. 
 
కాళ్లుచేతులు కట్టేసి.. అతి దారుణంగా యువకుడిపై దాడికి సంబంధించిన వీడియో ప్రస్తుతం నెట్టింట వైరల్ అవుతోంది. ఈ ఘటనపై కేసు నమోదు చేసుకున్న పోలీసులు యువకుడిపై దాడికి పాల్పడిన వ్యక్తులను అరెస్ట్ చేశారు. 
 
అయితే దాడికి గురైన యువకుడిపై కేసు నమోదైంది. ఆ యువకుడు ఆలయ అర్చకుడి కుమార్తె పట్ల అభ్యంతరకరంగా ప్రవర్తించాడని.. అందుకే ఆ యువకుడిని ఆలయంలోకి ప్రవేశించకూడదని చెప్పినట్లు దాడికి పాల్పడిన వ్యక్తులు అంటున్నారు. ఈ ఘటనపై పోలీసులు విచారణ చేపట్టారు. 

#BREAKING राजस्थान के जिला पाली गाॅव धनेरिया मे दलित नाबालिग लङके को इतनी बेरहमी से पीटा की मन विचलित हो उठा।

इस लङके की गलती सिर्फ इतनी है कि यह गाँव के मन्दिर पर चढ़ गया था !

भगवा गमछा ङाले युवक नजर आ रहा है बताया जा रहा है कि वह भाजपा का कार्यकर्ता हैpic.twitter.com/4kT4olJA1y

— The Dalit Voice (@ambedkariteIND) June 3, 2019

వెబ్దునియా పై చదవండి

తర్వాతి కథనం భోజనం చేస్తే రూ.31.66 కోట్లా?