విశాఖపట్టణంలో ఓ ప్రేమజంట వికృత చేష్టలు శృతిమించి పోయాయి. వీరి చేష్టలను ఓ వ్యక్తి వీడియో తీసి సోషల్ మీడియాలో షేర్ చేశారు. ఈ వీడియో ఇపుడు సోషల్ మీడియాలో వైరల్ అయింది. దీంతో స్థానిక పోలీసులు స్పందించారు.
ఓ యువకుడు మరో యువతిని తన ద్విచక్ర వాహనం ఇంధన ట్యాంకుపై అపసవ్య దిశలో కూర్చోబెట్టుకుని, ఆమెకు ముద్దులు పెడుతూ, పట్టపగలే రయ్ రయ్ మంటూ విశాఖ రోడ్లపై చక్కర్లు కొట్టాడు. ఆ యువతి స్కూల్ యూనిఫాం ధరించి వుండటం గమనార్హం.
విశాఖ స్టీల్ ప్లాంట్ ప్రధాన రహదారిపై కనిపించిన ఈ దృశ్యాన్ని సరిగ్గా ఆ సమయంలో కారులో వెళుతున్న ఓ వ్యక్తి వీడియో తీసి సోషల్ మీడియాలో షేర్ చేశాడు. దీంతో అది వైరల్ అయింది. ఆ వెంటనే రంగంలోకి దిగిన పోలీసులు ఆ జంట కోసం గాలింపు చర్యలు చేపట్టారు.
ఇందులో గాజువాక సమీప వెంపలి నగర్, సమతానగర్‌కు చెందిన యువతీయువకులుగా గుర్తించి అదుపులోకి తీసుకుని స్టేషన్‌కు తరలించారు. వీరిపై కేసు నమోదు చేసి విచారణ జరుపుతున్నారు.
