గతంలో లక్నోలో ఓ వానరం లిక్కర్ షాపుకు పర్మనెంట్ కస్టమర్‌గా మారిపోయింది. చిల్డ్ బీరుపై మనసు పారేసుకున్న ఈ వానరానికి ఓ కస్టమర్ ప్రతి రోజు బీర్ బాటిల్ కొనిచ్చేవాడు. ఆ తర్వాత ఆ వానరం కాలేయం పెరిగి చనిపోయింది. లక్నో-కాన్పూరు రోడ్డులోని నవాబ్‌గంజ్ ప్రాంతంలో ఈ ఘటన చోటుచేసుకుంది. ఇదే తరహాలో యూపీలో రాయబరేలి జిల్లాలో ఓ ఘటన చోటుచేసుకుంది.
మద్యానికి బానిసైన ఓ వానరం వ్యాపారులకు, వినియోగదారులకు చుక్కలు చూపిస్తోంది. అది బీరు క్యాన్‌ను గటగటా తాగేస్తున్న వీడియో ఒకటి సోషల్ మీడియాలో విపరీతంగా వైరల్ అవుతోంది. మద్యం సీసాలు కొనుక్కుని వెళ్తున్న వారిపై దాడిచేసి వాటిని లాక్కుంటుంది. తిరగబడితే దాడి చేస్తుందని స్థానికులు వాపోతున్నారు. ఈ వానరాన్ని అటవీ అధికారుల సాయంతో బంధించేందుకు ప్రయత్నాలు జరుగుతున్నాయి.
