వయోబేధం లేకుండా మహిళలపై అకృత్యాలు పెచ్చరిల్లిపోతున్నాయి. అభం శుభం తెలియని చిన్నారులపై అకృత్యాలు ఆగట్లేదు. తాజాగా అభం శుభం తెలియని ఆ చిన్నారి తోటి పిల్లలతో ఇంటి దగ్గర ఆడుకుంటుంది. అంతలో ఓ బాలుడు అక్కడికి వచ్చి టీవీ చూద్దామని తీసుకెళ్లి.. చిన్నారిపై లైంగిక దాడికి పాల్పడ్డాడు. చార్కరి పోలీస్ స్టేషన్ పరిధిలో చోటుచేసుకుంది. వివరాల్లోకి వెళితే.. ఆరుబయట ఆడుకుంటున్న ఏడేళ్ల చిన్నారిపై పక్కింటి బాలుడు టీవీ చూద్దామని తీసుకెళ్లి అత్యాచారానికి పాల్పడ్డాడు.
టీవీ చూద్దామని చెప్పడంతో అతడిని నమ్మి వెళ్లిన బాలికపై.. ఇంట్లో ఎవరూ లేకపోవడంతో అదే అదనుగా తీసుకున్న బాలుడు చిన్నారిపై అత్యాచారం చేశాడు. జరిగిన ఘటన గురించి చిన్నారి తన తల్లితో చెప్పడం వల్ల ఈ ఉదంతం వెలుగులోకి వచ్చింది.
బాధిత బాలిక కుటుంబ సభ్యులు గురువారం పోలీసులకు ఫిర్యాదు చేశారు. శుక్రవారం నిందితుడిని జువైనల్ కోర్టులో హాజరుపరుస్తామని పోలీస్ అధికారి సింగ్ తెలిపారు. బాధిత బాలికను వైద్య పరీక్షల కోసం ప్రభుత్వాసుపత్రికి తరలించామని పేర్కొన్నారు.
