ప్రముఖ సముద్రతీర పర్యాటక ప్రాంతమైన గోవాలో దారుణం జరిగింది. విహారయాత్రకు వచ్చిన రష్యా యువతి అత్యాచారానికి గురైంది. ఈ దారుణానికి పాల్పడింది గెస్ట్ హౌస్ యజమానే కావడం గమనార్హం. బాధితురాలికి వైద్య పరీక్షలు నిర్వహించగా, అత్యాచారానికి గురైనట్టు తేలిందన్నారు.
శుక్రవారం మొర్జిం క్లబ్ గెస్ట్ హౌస్ లో అద్దెకు తీసుకున్న గదిలో ఆమె నిద్రిస్తుండగా ఈ ఘటన జరిగినట్టు పెర్నెమ్ ఇన్ స్పెక్టర్ సంజయ్ దాల్వి చెప్పారు. బాధితురాలి ఫిర్యాదు మేరకు పోలీసులు కేసు నమోదు చేసి ఆమెను వైద్య పరీక్షలకు పంపారు.
నిందితుడిని జేమ్స్ డిసౌజాగా గుర్తించామని, పరారీలో ఉన్న నిందితుడి కోసం గాలిస్తున్నట్టు చెప్పారు. కాగా ఈ యువతి మే మొదటి వారంలో స్వదేశానికి తిరిగి వెళ్లాల్సి వుంది.
