వృత్తిరీత్యా ఉపాధ్యాయుడు.. కూతురిపై కన్నేశాడు.. ఆ తర్వాత ఏమయ్యాడు?

అతడో వృత్తిరీత్యా ఉపాధ్యాయుడు. కానీ, కామంతో కళ్లుమూసుకుని పోయాయి. వాయివరుసలు మరిచిపోయాడు. ఫలితంగా కుమార్తెపైనే కన్నేశాడు. ఆమెను లైంగికంగా అనుభవించి తన కామవాంఛ తీర్చుకునేందుకు యత్నించాడు. కానీ, దుర్గమా

అతడో వృత్తిరీత్యా ఉపాధ్యాయుడు. కానీ, కామంతో కళ్లుమూసుకుని పోయాయి. వాయివరుసలు మరిచిపోయాడు. ఫలితంగా కుమార్తెపైనే కన్నేశాడు. ఆమెను లైంగికంగా అనుభవించి తన కామవాంఛ తీర్చుకునేందుకు యత్నించాడు. కానీ, దుర్గమాతగా మారిన కన్నబిడ్డే కామాంధుడైన తండ్రిని కాటికి పంపింది. 

ఈ సంఘటన ఉత్తర్‌ప్రదేశ్‌లోని బరేలీలో చోటు చేసుకుంది. తాజాగా వెలుగులోకి వచ్చిన ఈ వివరాలను పరిశీలిస్తే... బరేలీకి చెందిన సోమ్‌పాల్‌(45) అనే వ్యక్తి స్థానికంగా ఓ పాఠశాలలో ఉపాధ్యాయునిగా పని చేస్తున్నాడు. అతనికి 14 ఏళ్ల కుమార్తె ఉంది. ఆమె ఒంటరిగా ఇంట్లో ఉన్న సమయంలో సోమ్‌పాల్‌ కూతురిపై అత్యాచారానికి ప్రయత్నించాడు. 

దీంతో బాలిక తనను తాను కాపాడుకునేందుకు సోమేశ్‌ని కర్రతో గట్టిగా తలపై బాదింది. ఆమె దెబ్బకు అతను అక్కడికక్కడే కుప్పకూలి ప్రాణాలు విడిచాడు. దాంతో భయపడిపోయిన బాలిక తల్లికి ఫోన్‌ చేసి విషయం తెలియజేసింది. దీంతో సమాచారం అందుకున్న పోలీసులు బాలికను అదుపులోకి తీసుకొని విచారిస్తున్నట్లు తెలిపారు.