ఆప్ నేత సందీప్ కుమార్ మా ఉద్యోగే.. వీ లవ్ అవర్ ఎంప్లాయ్స్: పోర్న్ హబ్ ట్వీట్
ఢిల్లీ కేబినెట్‌లో పెను కలకలం సృష్టించిన ఆప్ కన్వీనర్ అరవింద్ కేజ్రీవాల్ కేబినెట్‌లో సాంఘిక సంక్షేమ శాఖ మంత్రిగా కొనసాగుతున్న సందీప్ కుమార్ వ్యవహారంలో కొత్త ట్విస్ట్ చోటుచేసుకుంది. సందీప్ కుమార్ తమ ఉద
ఢిల్లీ కేబినెట్‌లో పెను కలకలం సృష్టించిన ఆప్ కన్వీనర్ అరవింద్ కేజ్రీవాల్ కేబినెట్‌లో సాంఘిక సంక్షేమ శాఖ మంత్రిగా కొనసాగుతున్న సందీప్ కుమార్ వ్యవహారంలో కొత్త ట్విస్ట్ చోటుచేసుకుంది. సందీప్ కుమార్ తమ ఉద్యోగేనని ప్రపంచంలో అతిపెద్ద పోర్న్ వెబ్ సైట్లలో ఒకటైన పోర్న్ హబ్ వెల్లడించింది. ''వీ లవ్ ఆల్ అవర్ ఎంప్లాయ్స్, ఇన్‌క్లూడింగ్ సందీప్ కుమార్'' అంటూ పోర్న్ హబ్ ట్విట్టర్లో ట్వీట్ చేయడం సందీప్ కుమార్ కష్టాలు తెచ్చిపెట్టినట్లైంది.
కేజ్రీ కేబినెట్‌లో సాంఘిక సంక్షేమ శాఖ మంత్రిగా కొనసాగుతున్న సందీప్ కుమార్‌కు చెందిన వీడియోను కేజ్రీవాల్ చూసి షాక్ తిన్నారు. ఇద్దరు యువతులతో సందీప్ నడిపిన రాసలీలలు బయటికి పొక్కడంతో.. వెంటనే స్పందించిన కేజ్రీవాల్.. సందీప్‌ను తన కేబినెట్ నుంచి తప్పిస్తున్నట్లు వరుస ట్వీట్లతో వెల్లడించారు. ప్రస్తుతం పోర్న్ హబ్ అనే వెబ్ సైట్ కూడా సందీప్ కుమార్‌ను తమ ఉద్యోగేనంటూ ట్విట్టర్ ద్వారా చెప్పేసింది.
కానీ సదరు రాసలీలల వీడియోలో తాను లేదని సందీప్ కుమార్ వాదిస్తున్నారు. కుట్రపూరితంగా తనను ఇరికించి మంత్రి పదవి నుంచి తప్పించారని, దళితుడు కావడంతోనే తనను టార్గెట్‌ చేసుకున్నట్లు విమర్శించారు. సెక్స్‌ వీడియోలో తాను లేనని, పూర్తిస్థాయి దర్యాప్తు జరిపితే అన్ని విషయాలు వెలుగులోకి వస్తాయని సందీప్ అన్నారు. తన ఇంటి ఎదుట అంబేద్కర్‌ విగ్రహం ప్రతిష్టించినప్పటి నుంచి తనకు వ్యతిరేకంగా కుట్ర జరుగుతోందని సందీప్ ఆరోపించారు.
