ఆ జ్ఞాపకాలు మళ్లీ గుర్తుకొస్తున్నాయంటున్న రేణూ దేశాయ్

రేణూ దేశాయ్. సినీ నటి, పవర్ స్టార్ పవన్ కళ్యాణ్ మాజీ భార్య. ప్రస్తుతం ఈమె తన బిడ్డలతో ఒంటరిగా జీవిస్తోంది. అయితే, ఈమెకు పాత జ్ఞాపకాలు మళ్లీ గుర్తుకొచ్చాయని అంటోంది. ఇందుకు సంబంధించి 'డాలర్- ఏ ఫిగర్ ఆ

రేణూ దేశాయ్. సినీ నటి, పవర్ స్టార్ పవన్ కళ్యాణ్ మాజీ భార్య. ప్రస్తుతం ఈమె తన బిడ్డలతో ఒంటరిగా జీవిస్తోంది. అయితే, ఈమెకు పాత జ్ఞాపకాలు మళ్లీ గుర్తుకొచ్చాయని అంటోంది. ఇందుకు సంబంధించి  'డాలర్- ఏ ఫిగర్ ఆఫ్ స్పీచ్' అనే టైటిల్‌తో ఉన్న ఈ వీడియోను షేర్ చేసింది. 

ఇందులో 'నా జ్ఞాప‌కాల‌న్నింటినీ చూసుకుంటున్నాను. ఆయ‌న మాట‌లు, ప‌దాలు, ఆయ‌న పేరు చెక్కిన క‌లం నా జ్ఞాప‌కాల్లో ఉన్నాయి. కానీ క‌మ్ముకున్న హిమం క‌రిగిపోయి మ‌ళ్లీ ఆ జ్ఞాప‌కాలు క‌ళ్లెదుట నిలిచాయి. విధి ఎంత బ‌లీయమైనది. మ‌న‌సు లోతుల్లో పాతుకుపోయిన జ్ఞాప‌కాలన్నింటినీ మ‌ళ్లీ తట్టిలేపింది. 

ఆ జ్ఞాప‌కాల‌ను ఇప్పుడు తిరిగి చూసుకుంటే తుప్పు ప‌ట్టిన క‌లం, దానిపై రాసుకున్న పేరు తుడిచిపెట్టుకుపోయాయి. ముక్క‌లైన హృద‌యం, నేను రాసుకున్న లేఖల కాగిత‌పు ముక్క‌లు క‌న్పించాయి' అంటూ జ్ఞాప‌కాల‌ గురించి ఆమె తెలిపిన విధానం గుండెలను పిండేసింది. ఆమె తెలిపిన ఈ జ్ఞాప‌కాలన్నీ పవన్ గురించే అని నెటిజన్లు ఈ వీడియోపై కామెంట్స్ చేస్తున్నారు.

ఒకప్పుడు హీరోయిన్‌గా వెండితెరపై వెలిగిపోవాలనుకున్న ఆమె కోరిక రెండే రెండు సినిమాలతో ముగిసిపోయింది. సహజీవనం, పెళ్లి, పిల్లలు, విడాకులు.. ఇలా అన్ని తన జీవితంలో అతి తొందరగా వచ్చేయడంతో ప్రస్తుతం జ్ఞాప‌కాల‌తో బ్రతకాల్సిన పరిస్థితి ఏర్పడింది.