‘ఏయ్‌ పన్నీర్’ అని పిలవగానే చిత్తం చిన్నమ్మా అంటాననుకున్నావా? సెల్వం... పన్నీర్ సెల్వం!
తమిళనాడు ప్రజల ముందుకు కొత్త కబాలి వచ్చేశాడు. కబాలి డా... అంటూ రజనీకాంత్ ఇటీవలే కబాలి సినిమాలో పంచ్ డైలాగుతో జనాల్ని అదరగొట్టినట్లుగా ఇప్పుడు మరో కబాలి రంగంలోకి దిగాడు. పిలవగానే వచ్చి జీ హుజార్ అనడానికి నీ ఇంటి పాలేరుననుకున్నావా చిన్నమ్మా.. సెల్వం, ప
తమిళనాడు ప్రజల ముందుకు కొత్త కబాలి వచ్చేశాడు. కబాలి డా... అంటూ రజనీకాంత్ ఇటీవలే కబాలి సినిమాలో పంచ్ డైలాగుతో జనాల్ని అదరగొట్టినట్లుగా ఇప్పుడు మరో కబాలి రంగంలోకి దిగాడు. పిలవగానే వచ్చి జీ హుజార్ అనడానికి నీ ఇంటి పాలేరుననుకున్నావా చిన్నమ్మా.. సెల్వం, పన్నీర్ సెల్వం అంటూ జనాల్ని వెర్రెత్తిస్తున్నాడు.
సోషల్‌ మీడియా ప్రచారంలో భాగంగా కబాలి సినిమాలో రజనీకాంత్ పాపులర్‌ డైలాగ్‌ ‘ముఖం మీద గాటుపెట్టుకుని, మీసం తిప్పి, లుంగీకట్టుకుని పాత విలన్‌ ‘ఏయ్‌ కబాలి’ అనగానే ఒంగొని ఎస్‌ బాస్‌ అని నిలబడతాడే ఆ కబాలి అనుకున్నార్రా’ అనే డైలాగ్‌ను ‘పాత రోజుల్లోలా నుదుటున బొట్టు పెట్టుకుని పంచె కట్టుకుని ‘ఏయ్‌ పన్నీర్’ అని పిలవగానే చిత్తం చిన్నమ్మా అని వినయంగా నిల్చుంటాననుకున్నావా సెల్వం.. పన్నీర్ సెల్వం’ అంటూ రజనీకాంత్ ఫొటోలో పన్నీర్ తల పెట్టి గ్రాఫిక్‌ చేసిన ఫొటో, వీడియో ఇప్పుడు తమిళ, తెలుగు భాషల్లో వైరల్‌గా మారింది.
కబాలి సినిమాలో రజనీ డైలాగ్‌ జనాన్ని ఎంత ఆకట్టుకుందో ఇప్పుడు పన్నీర్ సెల్వం డైలాగ్‌ కూడా టైమ్లీగా అంతే స్థాయిలో పేలింది. కబాలి వేషంలో పన్నీర్ సెల్వం ఫోటోను చూస్తున్న జనం వెర్రెత్తిపోతూ చిన్నమ్మను తల్చుకుని పగలబడి నవ్వుకొంటున్నారు.
