ఇంట్లో ఊహ తెలియని పిల్లలున్నప్పుడు చాలా జాగ్రత్తగా ఉండాలి. వారికి మంచీ చెడూ తెలియదు కాబట్టి చేతికి చిక్కిన వస్తువులను అమాంతం నోట్లో పెట్టుకొని మింగేస్తారు. అలా ఓ చిన్నారి ఏకంగా వస్తువులు కాదు కదా ఏకంగా పాము పిల్లనే నోట్లో పెట్టుకుని కొరికి నమిలేశాడు.
నోట్లో పెట్టుకొని కొరికేసిన కాసేపటికే బాబు స్పృహ కోల్పోయాడు. బాబుని గమనించిన తల్లిదండ్రులు వెంటనే హాస్పిటల్‌కు తరలించారు. పాము చిన్నది కావడంతో విషం పెద్దగా శరీరంలోకి ప్రవేశించలేదని వైద్యులు తెలిపారు.
చిన్నారి ప్రాణాలకే ముప్పు లేదన్నారు. ప్రస్తుతం బాలుడికి ట్రీట్‌మెంట్ ఇస్తూ అబ్జర్వేషన్‌లో పెట్టారు. పిల్లల విషయంలో జాగ్రత్త పాటించకపోతే వారి ప్రాణాలకే ముప్పు అని వైద్యులు తెలిపారు. ఈ సంఘటన ఉత్తరప్రదేశ్‌లోని బరేలీ భోలాపూర్‌లో జరిగింది.
