చేపల పులుసు తిని ఒకరి మృతి.. మరో ఐదుగురు పరిస్థితి విషమం.. ఎక్కడ?
చేపల పులుసు తినిన పాపానికి ఒకరు మరణించగా, మరో ఐదుగురి పరిస్థితి విషమంగా ఉంది. ఈ ఘటన తమిళనాడు రాష్ట్రంలోని కడలూరు జిల్లాలో చోటుచేసుకుంది. వివరాల్లోకి వెళితే.. తమిళనాడు రాష్ట్రంలోని కడలూరు జిల్లా బన్రుట
చేపల పులుసు తినిన పాపానికి ఒకరు మరణించగా, మరో ఐదుగురి పరిస్థితి విషమంగా ఉంది. ఈ ఘటన తమిళనాడు రాష్ట్రంలోని కడలూరు జిల్లాలో చోటుచేసుకుంది. వివరాల్లోకి వెళితే.. తమిళనాడు రాష్ట్రంలోని కడలూరు జిల్లా బన్రుట్టి కుడుమియాన కుప్పం ప్రాంతానికి చెందిన నారాయణ స్వామి రైతు. ఆదివారం రాత్రి నత్తం గ్రామానికి అమ్మకానికి వచ్చిన అరుదైన జాతి చేపలను కొనుగోలు చేశాడు.
ఆ చేపలను ఇంటికి తీసుకెళ్లి భార్యతో పులుసు పెట్టమన్నాడు. నారాయణ స్వామి సతీమణి పార్వతి రుచిగా పులుసు చేసేసింది. ఈ కూరను నారాయణ స్వామి భార్య, మామ పెరుమాళ్, అత్త, చెల్లెలు చేపల పులుసేకుని భోజనం చేశారు. అయితే ఆహారం తీసుకున్నాక కొద్దిసేపటికే వారికి వాంతులు విరేచనాలు అయ్యాయి. దీంతో స్థానికులు ఆస్పత్రిలో ఐదుగురిని చేర్పించారు.
పుదుచ్చేరి ఆస్పత్రికి మెరుగైన చికిత్స కోసం తరలించారు. అయితే చికిత్స ఫలించక పెరుమాళ్ మరణించాడు. మిగిలిన వారి పరిస్థితి కూడా విషమంగా ఉందని వైద్యులు చెప్తున్నారు. వీరి అస్వస్థతకు చేపల పులుసే కారణమని తెలిపారు. ఈ ఘటనపై పోలీసులు కేసు నమోదు చేసుకుని విచారణ జరుపుతున్నారు. చేపల వ్యాపారితో పాటు స్థానికుల వద్ద విచారణ చేపట్టారు.
