Select Your Language

Notifications

webdunia
webdunia
webdunia
webdunia

పుట్టిన రోజు వేడుకలు వద్దు.. ప్లీజ్: అభిమానులకు మహేష్‌బాబు విజ్ఞప్తి

webdunia
శుక్రవారం, 7 ఆగస్టు 2020 (16:35 IST)
ప్రిన్స్ మహేష్ బాబు సంచలన నిర్ణయం తీసుకున్నారు. కరోనా నేపథ్యంలో తన జన్మదిన వేడుకలు నిర్వహించరాదని నిర్ణయించుకున్నారు.

తన అభిమానులూ వాటికి దూరంగా వుండాలని విజ్ఞప్తి చేశారు. ఈ నెల 9న మహేష్‌ పుట్టిన రోజు. తాము అభిమానించే హీరో పుట్టిన రోజు వేడుకలు నిర్వహించాలని అభిమానులు ఇప్పటి నుంచే సన్నాహాలు చేస్తున్నారు. తన పుట్టినరోజు సమీపిస్తుండటంతో వైరస్‌ వ్యాప్తి నేపథ్యంలో జాగ్రత్తగా ఉండాలని మహేష్‌ అభిమానులను కోరారు.

ఈ క్రమంలో ప్రిన్స్‌ శుక్రవారం ట్విటర్‌లో పోస్టు పెట్టారు. 'ప్రియమైన అభిమానులకు.. మీరు అందరూ నాకు తోడుగా ఉండటం నా అదృష్టం. నా పుట్టిన రోజు ఒక ప్రత్యేకమైన రోజుగా గుర్తు ఉండాలని మీరు చేస్తున్న మంచి పనులకు చాలా సంతోషంగా ఉంది. అందుకు మీ అందరిని నేను అభినందిస్తున్నాను.

ప్రస్తుతం కరోనాతో మనం అందరం చేస్తున్న ఈ యుద్దంలో సురక్షితంగా ఉండటం అనేది అన్నిటికంటే ముఖ్యం. నా పుట్టిన రోజున అభిమానులందరూ సామూహిక వేడుకలకు దూరంగా ఉండి క్షేమంగా ఉండాలని కోరుకుంటున్నా.. ప్రేమతో మీ మహేష్‌..' అంటూ ఫ్యాన్స్‌కు సూచించారు.

Share this Story:

Follow Webdunia Hindi

తర్వాతి కథనం

కరోనాకు మరో వైరస్‌ తోడైంది... ఏడుగురు మృతి.. అచ్చంగా కోవిడ్ లాగానే..?