తప్పతాగి ఎస్సైని బూతులు తిట్టిన యువతి.. ఆన్‌లైన్‌లో వైరల్‌గా మారిన వీడియో!
పీకలవరకు మద్యం సేవించిన 21 ఏళ్ళ యువతి పోలీసు స్టేషన్‌లో ఎస్సై‌పైనే బూతుల వర్షం కురిపించింది. అంతటితో ఆగకుండా చేయిచేసుకుని నానా రభస సృష్టించింది. ఈ ఘటన ముంబై నగరంలోని వోర్లీ పోలీసు స్టేషన్‌లో చోటుచేసుక
పీకలవరకు మద్యం సేవించిన 21 ఏళ్ళ యువతి పోలీసు స్టేషన్‌లో ఎస్సై‌పైనే బూతుల వర్షం కురిపించింది. అంతటితో ఆగకుండా చేయిచేసుకుని నానా రభస సృష్టించింది. ఈ ఘటన ముంబై నగరంలోని వోర్లీ పోలీసు స్టేషన్‌లో చోటుచేసుకుంది. ఈ అమ్మాయి మరో ఇద్దరు స్నేహితులతో కలిసి కారులో వెళ్తూ దివైడర్‌ను గట్టిగా గుద్దేసింది. దీంతో కారు అదుపు తప్పి ఫుట్‌పాత్‌పైకి ఎక్కింది. ఓవర్ స్పీడ్‌లో వెళ్ళినందుకు ఆమెను పోలీసులు అరెస్టు చేశారు.
అరెస్ట్ చేసినందుకు నన్నేఅరెస్ట్ చేస్తారా.. అని పోలీసులపై అసభ్యంగా తిట్ల పురాణం కురిపించింది. దీంతో ఆ యువతిని అరెస్ట్ చేసి పోలీసు స్టేషనుకు తీసుకొచ్చారు. కానీ స్టేషన్‌లోనూ ఆమె అదే సీన్ రిపీట్ చేసింది. పోలీసులను బూతులు తిడుతూ.. టేబుల్ మీది కంప్యూటర్‌ను, ఫోన్‌ను పగలగొట్టింది. విచారణ చేస్తున్న ఎస్సై లెంప వాయించింది.
కుర్చీలో ఉన్న అతడిపై పదేపదే చేయిచేసుకుంది. దీంతో ఆ యువతి పక్కనే ఉన్న మరో ఇద్దరు యువకులు ఆమెను నియంత్రించేందుకు ప్రయత్నించారు. అయినా వారివల్ల కాలేదు. దీంతో ఆ యువతిని, ఆమె వెంట ఉన్న ఇద్దరు యువకులను ఖాకీలు అరెస్టు చేశారు. కస్టడీ తర్వాత ఈ ముగ్గురూ బెయిలుపై బయటపడ్డారు. ఈ ఉదంతం అక్కడున్న సిసిటివి కెమెరాలో రికార్డయ్యింది. ప్రస్తుతం ఈ వీడియో సోషల్ మీడియలో లీకై వైరల్‌గా మారింది.
