బీజేపీ పాలనలో బీజేపీ అభ్యర్థికి చెప్పుల దండతో సత్కారం (వీడియో)

భారతీయ జనతా పార్టీ అధికారంలో ఉన్న రాష్ట్రంలో ఎన్నికల ప్రచారానికి వెళ్లిన ఆ పార్టీ అభ్యర్థికి స్థానిక ఓటర్లు తగిన రీతిలో గుణపాఠం నేర్పారు. ఇచ్చిన హామీని నెరవేర్చనందుకు ప్రతిగా మెడలో చెప్పుల దండ వేసి సత

భారతీయ జనతా పార్టీ అధికారంలో ఉన్న రాష్ట్రంలో ఎన్నికల ప్రచారానికి వెళ్లిన ఆ పార్టీ అభ్యర్థికి స్థానిక ఓటర్లు తగిన రీతిలో గుణపాఠం నేర్పారు. ఇచ్చిన హామీని నెరవేర్చనందుకు ప్రతిగా మెడలో చెప్పుల దండ వేసి సత్కారం చేశారు. ఇది మధ్యప్రదేశ్ రాష్ట్రంలో జరిగింది. తాజాగా వెలుగులోకి వచ్చిన ఈ వివరాలను పరిశీలిస్తే, 

మధ్యప్రదేశ్ రాష్ట్రంలో బీజేపీ సర్కారు అధికారంలో ఉంది. ముఖ్యమంత్రి శివరాజ్ సింగ్ చౌహన్ ఉన్నారు. ఈ రాష్ట్రంలో త్వరలో స్థానిక సంస్థల ఎన్నికలు జరుగనున్నాయి. ఈ ఎన్నికల ప్రచారం కోసం దినేశ్ శర్మ అనే అభ్యర్థి మధ్యథామ్ నోడ్ అనే ప్రాంతానికి ప్రచారానికి వెళ్లాడు. 

ఇంటింటి ప్రచారానికి వెళ్లి ఓట్లు అడుగుతుంటే, ఓ వ్యక్తి వచ్చి చెప్పుల దండను ఆయన మెడలో వేశాడు. దీంతో హుషారుగా ప్రచారం నిర్వహిస్తున్న ఆయన షాక్‌కు గురై, ఆ వెంటనే తేరుకున్నాడు. తొలుత చెప్పులను పక్కకు పడేసేందుకు ప్రయత్నించిన శర్మ, ఆ వ్యక్తి తన ప్రయత్నాన్ని మానకపోవడంతో దండ వేయించుకోవాల్సి వచ్చింది. 

తమ ప్రాంతంలోని తాగునీటి సమస్య అధికంగా ఉన్న ఈ ప్రాంతంలో సమస్యను పరిష్కరించాలని ఎన్నిసార్లు విన్నవించుకున్నా ప్రయోజనం కలగలేదని, అందుకే ఈ పని చేశానని చెప్పుల దండను తెచ్చిన వ్యక్తి వ్యాఖ్యానించాడు.