పిచ్చివాళ్ళ కేంద్రంగా ఢిల్లీ జేఎన్‌యు.. తక్షణం మూసివేయాలి : వీహెచ్‌పీ నేత సాధ్వి ప్రాచీ
విశ్వహిందూ పరిషత్ నేత సాధ్వి ప్రాచీ మరో సంచలన వ్యాఖ్యలు చేశారు. ఢిల్లీలోని జవహర్‌లాల్‌ నెహ్రూ యూనివర్సిటీ (జేఎన్‌యూ) పిచ్చివాళ్ల కేంద్రంగా మారిందన్నారు. పైగా ఇది జాతి వ్యతిరేక శక్తుల అడ్డాగా మారిందని
విశ్వహిందూ పరిషత్ నేత సాధ్వి ప్రాచీ మరో సంచలన వ్యాఖ్యలు చేశారు. ఢిల్లీలోని జవహర్‌లాల్‌ నెహ్రూ యూనివర్సిటీ (జేఎన్‌యూ) పిచ్చివాళ్ల కేంద్రంగా మారిందన్నారు. పైగా ఇది జాతి వ్యతిరేక శక్తుల అడ్డాగా మారిందని అందువల్ల దీన్ని తక్షణం మూసివేయాలని ఆమె డిమాండ్ చేశారు.
ప్రధానమంత్రి నరేంద్ర మోడీ, బీజేపీ జాతీయ అధ్యక్షుడు అమిత్ షా, ప్రముఖ ఆధ్యాత్మిక గురువు బాబా రాందేవ్‌ తదితరుల చిత్రాలను పది తలలుగా రావణాసురుడి బొమ్మ తయారుచేసి, కాంగ్రెస్‌ అనుబంధ ఎన్‌ఎస్‌యూఐ విద్యార్థులు దాని దహనానికి పాల్పడటం హేయమైన చర్యగా ఆమె అభివర్ణించారు. ఇలాంటి అడ్డగోలు కార్యకలాపాలకు వేదికవుతున్న జేఎన్‌యూను కేంద్రం తక్షణం మూసేయాలిని ఆమె కేంద్ర ప్రభుత్వానికి విజ్ఞప్తి చేశారు.
