పెళ్లికాని ప్రసాద్‌ల సంఖ్య పెరిగిపోతుందని తాజా అధ్యయనంలో తేలింది. ప్రేమ వివాహాలు పెరిగిపోతున్నప్పటికీ అబ్బాయిలకు అమ్మాయిలు దొరకడం కష్టతరమవుతోంది. అమ్మాయిలకు తగిన అబ్బాయిలు.. అలాగే అబ్బాయిలకు తగిన అమ్మాయిలు దొరకట్లేదు. దీంతో లేటు వయస్సులో పెళ్లిళ్లు జరుగుతున్నాయి.
తాజాగా వివాహం జరగడం గగనమైపోతున్న తరుణంలో పెళ్లి కోసం తమ స్వగ్రామాలను వదులుకునే పురుషుల సంఖ్య పెరిగిపోతుందని ఓ అధ్యయనంలో వెల్లడి అయ్యింది.
2001-2011 కాలంలో జనాభా లెక్కల ప్రకారం 14 కోట్ల 60 లక్షల మంది పురుషుల్లో 53 లక్షల పురుషులు మాత్రమే వివాహం కోసం స్వగ్రామాలను వీడుతున్నారు. కానీ మహిళల్లో ఈ సంఖ్య భారీగా పెరిగింది. 30 కోట్ల 90 లక్షల మహిళల్లో 20 కోట్ల 60 లక్షల మంది మహిళలు వివాహం కోసం సొంతూరిని వదులుకున్నారని తేలింది.
ఇలా పురుషులు వివాహం కోసం ఇతర ప్రాంతాలకు వెళ్లే వారిలో మేఘాలయా, తమిళనాడు, మిజోరం, కేరళ, అస్సాం, మణిపూర్, కర్ణాటక, ఆంధ్రప్రదేశ్‌కు చెందినవారున్నారు. నగరాల్లో నివసించే పురుషుల కంటే గ్రామాల్లో వున్న పురుషులు వివాహం కోసం.. పట్టణాల వెంట పడుతున్నారని తాజా అధ్యయనం తేల్చింది.
