జయలలితకు వారసులున్నారుగా.. దీప, దీపక్‌ల సంగతేంటి? హైదరాబాద్ ఆస్తులపై హైకోర్టు సీరియస్
అన్నాడీఎంకే అధినేత్రి, దివంగత ముఖ్యమంత్రి జయలలితకు వారసులు లేకపోవడంతో హైదరాబాదులోని అమ్మ ఆస్తులను తెలంగాణ సర్కారు స్వాధీనం చేసుకోవాలని ఓ పిటీషన్ దాఖలైన సంగతి తెలిసిందే. కాగా, జయలలితకు హైదరాబాద్‌లోని జ
అన్నాడీఎంకే అధినేత్రి, దివంగత ముఖ్యమంత్రి జయలలితకు వారసులు లేకపోవడంతో హైదరాబాదులోని అమ్మ ఆస్తులను తెలంగాణ సర్కారు స్వాధీనం చేసుకోవాలని ఓ పిటీషన్ దాఖలైన సంగతి తెలిసిందే. కాగా, జయలలితకు హైదరాబాద్‌లోని జీడిమెట్లలో ఫాంహౌస్‌, శ్రీనగర్‌ కాలనీలో బహుళ అంతస్థుల భవనం ఉన్న విషయం తెలిసిందే. ఈ విషయంలో హైకోర్టు తీవ్రంగా స్పందించింది. వారసులు లేని కారణంగా జయమ్మ ఆస్తులను తెలంగాణ సర్కారు స్వాధీనం చేసుకోవాలని గరీబ్‌గైడ్‌ అనే సంస్థ దాఖలు చేసిన పిటిషన్‌పై హైకోర్టు ఆగ్రహం వ్యక్తం చేసింది.
అంతేకాదు ఇలాంటి పిటిషన్ వేసినందుకు సదరు వ్యక్తికి ఏకంగా లక్ష రూపాయల జరిమానా విధించింది హైదరాబాద్ హైకోర్టు. జయలలిత మరణించి 15 రోజులు కూడా గడవకముందే ఇలాంటి పిటిషన్లు వేయడంపై హైకోర్టు ఆగ్రహం వ్యక్తం చేసింది. అయితే, జయకు సోదరుడు ఉన్నందున ఆమెకు వారసులు లేరని ఎలా అంటారని హైకోర్టు ప్రశ్నించింది. జయ సోదరుడికి ఒక కొడుకు, ఒక కూతురు ఉందని పేర్కొన్న హైకోర్టు.. హిందూ చట్టం ప్రకారం ఆమె ఆస్తులు వారికే చెందుతాయని స్పష్టం చేసింది.
నాలుగు వారాల్లోగా జరిమానా చెల్లించాలని తీర్పు చెబుతూ పిటిషన్ కొట్టివేసింది. జరిమానా చెల్లించకుంటే తెలంగాణ ప్రభుత్వం అతనిపై చర్యలు తీసుకోవాలని ఆదేశించింది. ఇలాంటి పిటిషన్లు వేయడం వల్ల కోర్టు సమయం వృదా అవుతోందని, గందరగోళ పరిస్థితి ఏర్పడుతుందని హైకోర్టు ఫైర్ అయ్యింది.
