జాతీయ పక్షి అయిన నెమలిని టార్చర్ పెట్టి చంపేశాడు ఓ యువకుడు. దీనికి సంబంధించిన వీడియో నెట్టింట వైరల్ అవుతోంది. నెమలి ఈకలు ఒక్కొక్కటిగా తొలగిస్తూ.. ఆ నెమలికి నరకం చూపించాడు. బాధ తట్టుకోలేక చివరికి అది మరణించింది. ఈ ఘటన మధ్యప్రదేశ్‌లోని కట్నీలో జిల్లాలో చోటుచేసుకుంది.
ఈ వీడియోను చూసిన వారంతా ఆ యువకుడిని కఠినంగా శిక్షించాలంటూ డిమాండ్ చేస్తున్నారు. వీడియోలో కనిపించిన బైక్ ఆధారంగా నిందితుడిని అతుల్‌గా గుర్తించినట్టు డివిజనల్ ఫారెస్ట్ ఆఫీసర్ తెలిపారు. అయితే ఆ యువకుడు పోలీసులకు చిక్కలేదని.. పరారీలో వున్నాడని తెలిసింది.
