చదువుకోసం లక్షలు వెచ్చించి ఇంగ్లీష్ మీడియంతో పాటు రెసిడెన్షియల్ స్కూల్స్, కాలేజీల్లో చదివిస్తున్నారు చాలామంది తల్లిదండ్రులు. బెస్ట్ స్టడీస్ పేరిట ఎల్కేజీలకే లక్షలు పెడుతున్న కాలమిది. అయితే ప్రభుత్వ పాఠశాలల్లో చదువుకుని ఉన్నత అధికారులు అయిన ఎంతో మంది వున్న.. చదువు ప్రస్తుతం కమర్షియల్‌గా మారిపోయిందనే చెప్పాలి.
అయితే చదువు కోసం బెస్ట్ స్కూళ్లకు వెళ్లే వారు చాలామంది వుంటే.. ఎక్కడున్నా, ఏ పరిస్థితుల్లో వున్నా చదువుకోవచ్చు అనేందుకు ఓ వీడియోను సోషల్ మీడియాలో ట్రెండ్ చేస్తున్నారు నెటిజన్లు. ఈ వీడియోలో ఓ బాలుడు ఐస్‌క్రీమ్ బండి ముందు పెట్టి దాని వెనక నోటు పుస్తకంలో రాసుకుంటూ కనిపించాడు.
ఈ వీడియో చూసిన నెటిజన్లు రకరకాలుగా స్పందిస్తున్నారు. "రేపు నువ్వు సాధించబోయే ఉద్యోగంలో ఉన్న మజా, లక్షలు పోసి రెసిడెన్షియల్ కాలేజీలలో చదివిన వాడికి వుండదు." అంటూ కామెంట్లు చేస్తున్నారు.
