బిడ్డకు పాలిస్తే భర్త విడాకులిస్తాడట.. నేను పాలివ్వను... ముస్లిం మత పెద్ద అరెస్టు
కేరళ రాష్ట్రం కోళికోడ్‌లో దారుణం జరిగింది. అప్పుడే పుట్టిన శిశువుకు ఐదో అజాన్ కాల్ పూర్తయ్యే వరకు తల్లిపాలు ఇవ్వొద్దని చెప్పిన ముస్లిం మత పెద్ద హైడ్రోస్ థంగల్‌ను ఆ రాష్ట్ర పోలీసులు అరెస్టు చేశారు. ఆయన
కేరళ రాష్ట్రం కోళికోడ్‌లో దారుణం జరిగింది. అప్పుడే పుట్టిన శిశువుకు ఐదో అజాన్ కాల్ పూర్తయ్యే వరకు తల్లిపాలు ఇవ్వొద్దని చెప్పిన ముస్లిం మత పెద్ద హైడ్రోస్ థంగల్‌ను ఆ రాష్ట్ర పోలీసులు అరెస్టు చేశారు. ఆయన సలహాలను పాటించిన ఆ శిశువు తండ్రి అబూబకర్‌ను కూడా జైలుకు పంపించారు.
కోళికోడ్‌కు చెందిన ఓ మహిళ బుధవారం మధ్యాహ్నం 1.30 గంటలకు ఈ బిడ్డ జన్మించింది. అబూబకర్ దంపతులకు ఈ బిడ్డ రెండో సంతానం. పుట్టిన బిడ్డకు పాలు ఇవ్వాలని ఆసుపత్రి వైద్యులు, సిబ్బంది కోరారు. కానీ బిడ్డకు పాలిచ్చేందుకు ఆ మహిళ నిరాకరించింది. చివరకు వైద్యులు, సిబ్బంది ఎంత చెప్పినా వినిపించుకోలేదు.
తాను పాలు ఇస్తే తనకు తన భర్త విడాకులు ఇస్తాడని చెప్పింది. అబూబకర్‌కు కూడా ఆసుపత్రి సిబ్బంది, వైద్యులు నచ్చజెప్పినా ప్రయోజనం లేకపోయింది. దీంతో వారు పోలీసులకు ఫిర్యాదు చేశారు. తల్లిదండ్రులపై బాలల హక్కుల చట్టం ప్రకారం కేసు నమోదు చేసినట్లు పోలీసులు తెలిపారు. అబూబకర్‌ను, హైడ్రోస్ థంగల్‌ను కోర్టులో హాజరుపరుస్తామని చెప్పారు.
