Delhi MCD Election Results 2022
ఢిల్లీ మున్సిపల్ కార్పొరేషన్‌ ఎన్నికల్లో ఆమ్ ఆద్మీ పార్టీ విజయఢంకా మోగించింది. ఈ నెల 4వ తేదీన ఈ ఎన్నికలు జరిగాయి. బుధవారం ఉదయం 8 గంటలకు ఎన్నికల లెక్కింపు ప్రక్రియ ప్రారంభమైంది.
ఆమ్ ఆద్మీ పార్టీ మొదటి నుంచి అత్యధిక స్థానాల్లో ముందంజలో నిలిచింది. మొత్తం 250 స్థానాలకు ఎన్నికలు జరిగాయి. ఇందులో ఆప్ 133 స్థానాలు సొంతం చేసుకుంది. మ్యాజిక్ ఫిగర్ 126 కాగా, ఆప్ 7 స్థానాలు ఎక్కువే గెలుచుకుంది.
అలాగే బీజేపీ 101 వార్డుల్లో నెగ్గింది. ఆప్, బీజేపీ మధ్య సాగిన ఈ పోరులో కాంగ్రెస్ కేవలం 8 స్థానాలతో సరిపెట్టుకుంది. ఢిల్లీ మున్సిపల్ కార్పొరేషన్‌ ఎన్నికల్లో గత పదిహేను సంవత్సరాలుగా బీజేపీనే నెగ్గుతూ వచ్చింది. ఈ రికార్డును ఆమ్ ఆద్మీ బ్రేక్ చేసింది.
దీంతో ఆమ్ ఆద్మీ పార్టీ కార్యకర్తలు టపాకాయలు పేల్చి, మిఠాయిలు పంచుతూ సంబరాలు జరుపుకుంటున్నారు. ఈ పరిస్థితిలో, ఆమ్ ఆద్మీ పార్టీకి చెందిన ట్రాన్స్‌జెండర్ అభ్యర్థి ప్రజలకు కృతజ్ఞతలు తెలియజేశారు. తన విజయం కోసం కృషి చేసిన వారికి, పార్టీకి కృతజ్ఞతలు తెలిపారు. అలాగే ఢిల్లీ సీఎం అరవింద్ కేజ్రీవాల్ కూడా ప్రజలకు కృతజ్ఞతలు తెలియజేశారు.
