ఢిల్లీలో ఓ ప్రేమజంట రొమాన్స్ పరాకాష్టకు చేరింది. ద్విచక్రవాహనంపై వెళుతూ ముద్దూ ముచ్చట్లలో మునిగిపోయారు. దీనికి సంబంధించిన వీడియో ఒకటి సోషల్ మీడియాలో వైరల్ అయింది. వారి శృంగారాన్ని ఓ పోలీసు ఉన్నతాధికారి వీడియో తీసి సోషల్ మీడియాలో పోస్ట్ చేశారు. మోటారు వెహికల్ చట్టంలో కొన్ని మార్పులు తేవాల్సి ఉందంటూ ఆయన చేసిన ట్వీట్‌పై కామెంట్లు హోరెత్తుతున్నాయి.
ఈ వివరాలను పరిశీలిస్తే, పశ్చిమ ఢిల్లీలోని రాజౌరీ గార్డెన్ సమీపంలో ఈ ఘటన జరిగింది. యువతి బైక్ పెట్రోల్ ట్యాంకుపై కూర్చుంటే యువకుడు డ్రైవ్ చేస్తూనే సరస సల్లాపాల్లో మునిగిపోయాడు. లిప్‌లాక్‌లతో ఇద్దరూ రెచ్చిపోయారు. యువకుడు బైక్‌ను నియంత్రిస్తూనే రొమాన్స్‌లో మునిగితేలాడు. సాయంత్రం వేళ ట్రాఫిక్ రద్దీ ఎక్కువగా ఉన్నప్పటికీ ఎలాంటి జంకు లేకుండా, నలుగురు చూస్తారనే సిగ్గూఎగ్గూ లేకుండా ఆ ప్రేమజంట ముద్దూముచ్చట్లలో మునిగిపోయారు. వీరిని చూసిని మిగిలిన వాహనదారులు నోరెళ్లబెట్టారు.
