ఫేస్ బుక్ పరిచయం.. పెళ్లి చేసుకోమని ఇంటికెళ్ళి అడిగాడు.. పొమ్మంది.. కత్తితో?

ఫేస్ బుక్ పరిచయం ఆ యువకుడిని ప్రేమోన్మాదిగా మార్చింది. ప్రేమకు అంగీకరించకపోవడంతో ఓ మహిళను ఓ యువకుడు దాడికి పాల్పడిన ఘటన చెన్నై రాయపురంలో చోటుచేసుకుంది. వివరాల్లోకి వెళితే.. రాయపురంకు చెందిన సైఫుల్లా (

ఫేస్ బుక్ పరిచయం ఆ యువకుడిని ప్రేమోన్మాదిగా మార్చింది. ప్రేమకు అంగీకరించకపోవడంతో ఓ మహిళను ఓ యువకుడు దాడికి పాల్పడిన ఘటన చెన్నై రాయపురంలో చోటుచేసుకుంది. వివరాల్లోకి వెళితే.. రాయపురంకు చెందిన సైఫుల్లా (28) 10వ తరగతి వరకు చదువుకొని జులాయిగా తిరుగుతున్నాడు. ఇటీవల ఇతనికి ఫేస్ బుక్ ద్వారా అదే ప్రాంతానికి చెందిన యువతితో పరిచయం ఏర్పడింది. 

బీఏ పట్టభద్రురాలైన ఆమెతో ఏర్పడిన ఫేస్‌బుక్‌ పరిచయాన్ని సైఫుల్లా ప్రేమగా మార్చేశాడు. ప్రేమిస్తున్నానని.. పెళ్లి చేసుకోవాలని అడిగాడు. అంతే చిరునామా తెలుసుకుని నేరుగా ఆమె ఇంటికే వెళ్లిపోయాడు. అయితే తన తల్లిదండ్రులకు ఇదంతా తెలిస్తే గొడవలవుతాయని ఆమె సైఫుల్లాను పొమ్మంది. 

వెంటనే ఇక్కడ నుంచి వెళ్లిపోవాలని సైఫుల్లాను ఆ యువతి మందలించింది. దీంతో మనస్తాపం చెందిన సైఫుల్లా కత్తితో ఆమె మెడపై దాడి చేశాడు. ఆమె కేకలు విన్న ఆమె సోదరి కూడా అతన్ని అడ్డుకోవడానికి యత్నిచండంతో ఆమెపై కూడా దాడి చేశాడు. ఇంతలో స్థానికులు సైఫుల్లాను పట్టుకున్నారు. ఈ ఘటనలో  సైఫుల్లాను పోలీసులు అరెస్ట్ చేయగా, ఈ దాడిలో గాయపడిన యువతిని ఆస్పత్రికి తరలించారు.