భారతదేశం ఆగస్టు 23న జాతీయ అంతరిక్ష దినోత్సవాన్ని జరుపుకోవడానికి సిద్ధమవుతున్న తరుణంలో, గత సంవత్సరం చంద్రుని దక్షిణ ధ్రువంపై చంద్రయాన్-3 చారిత్రాత్మక ల్యాండింగ్ గౌరవార్థం, మిషన్ డేటా నుండి ముఖ్యమైన కొత్త ఫలితాలు వెలువడ్డాయి. చంద్రయాన్-3 ఆగస్టు 23, 2023న చంద్రునిపై ల్యాండ్ అయింది.
భారతదేశం చంద్రుడిపై దిగిన వార్షికోత్సవాన్ని పురస్కరించుకుని ఆగస్టు 23ని జాతీయ అంతరిక్ష దినోత్సవంగా ప్రకటించారు. చంద్రునిపై ల్యాండ్ అయిన తర్వాత, చంద్రయాన్-3 అనేక శాస్త్రీయ ప్రయోగాలు నిర్వహించి ముఖ్యమైన డేటాను సేకరించింది. చంద్రయాన్-3 చంద్రుని క్రస్ట్‌లోని ఉష్ణోగ్రత వ్యత్యాసాలు, చంద్ర వాతావరణంలోని శక్తి కణాలు, చంద్ర భూకంపాలపై డేటాను సేకరించింది.
ఆల్ ఇండియా కౌన్సిల్ ఫర్ టెక్నికల్ ఎడ్యుకేషన్ (AICTE) నిర్వహించిన కార్యక్రమంలో ఇస్రో చీఫ్ సోమనాథ్ మాట్లాడుతూ.. "ప్రజ్ఞాన్ రోవర్‌తో పాటు విక్రమ్ ల్యాండర్‌పై చేసిన ఐదు ప్రయోగాలు చాలా బాగా జరిగాయి. డేటా కొన్ని శాస్త్రీయ ఫలితాలను కూడా అందించింది. దీని గురించి మీకు బహుశా ఆగస్టు 23న తెలుస్తుంది, మేము ఇప్పుడు డేటాను ప్రజలకు విడుదల చేయబోతున్నాము" అని అన్నారు.
