ఆడపిల్ల పుట్టిందని కన్నతల్లే టాయిలెట్లో వేసేసింది.. బిడ్డ కనిపించలేదని డ్రామా...
ఆడపిల్ల పుట్టిందని కన్నతల్లే ఆ శిశువును చంపేసింది. ఆరు రోజుల పసికందును చంపి టాయ్‌లెట్ ట్యాంకులో పడేసింది. ఆపై ఏమీ తెలియనట్లుగా బిడ్డ కనిపించలేదంటూ డ్రామా చేసింది. బీహార్‌లోని సమస్తిపూర్ జిల్లాలో ఈ దార
ఆడపిల్ల పుట్టిందని కన్నతల్లే ఆ శిశువును చంపేసింది. ఆరు రోజుల పసికందును చంపి టాయ్‌లెట్ ట్యాంకులో పడేసింది. ఆపై ఏమీ తెలియనట్లుగా బిడ్డ కనిపించలేదంటూ డ్రామా చేసింది. బీహార్‌లోని సమస్తిపూర్ జిల్లాలో ఈ దారుణం చోటుచేసుకుంది. వివరాల్లోకి వెళితే సమస్తిపూర్ జిల్లాకు చెందిన పింకీ దేవికి రెండో కాన్పులో మళ్లీ ఆడపిల్ల పుట్టింది. నాటి నుంచి చాలా ముభావంగా ఉన్న ఆమె, పుట్టి వారమైనా కానీ ఆ పసిపాపను హత్య చేసింది.
ఇంట్లోని బంధువులు పాపకు పేరు పెట్టే కార్యక్రమ సందడిలో ఉండగా పింకీ దేవి ఈ దారుణానికి పాల్పడింది. పాప మృత దేహాన్ని టాయిలెట్ ష్లష్ ట్యాంకులో పడేసింది. పాప గురించి ఇంట్లో వారు అడగ్గా కనిపించడం లేదంటూ పింకీ దేవి హడావుడి చేసింది. ఎవరైనా ఎత్తుకెళ్ళారా లేక ఏదైనా జంతువు నోటకరచుకుని వెళ్ళిందేమోనని అనుమానం వ్యక్తం చేసింది. దీంతో బంధువులు ఊరంతా గాలించారు.
అయితే పింకీ దేవి పలుసార్లు బాత్‌రూమ్‌కు వెళ్ళడాన్ని అత్త గమనించింది. అనుమానంతో లోపలికి వెళ్ళి చూడగా టాయిలెట్ ఫ్లష్ ట్యాంకు మూత సరిగా లేకపోవడాన్ని గమనించింది. దాన్ని తెరచి చూడగా అందులో పాప విగతజీవిగా కనిపించింది. దీంతో షాక్ అయిన అత్త పోలీసులకు ఫిర్యాదు చేయడంతో పింకీ దేవిని అరెస్ట్ చేశారు. అయితే పాపను తాను చంపలేదని చెప్తోంది. ఈ ఘటనపై కేసు నమోదు చేసి దర్యాప్తు చేస్తున్నారు.
